9 de decembro de 2015

Día do Voluntariado. Operación Pangono Pangono

Para recordar a celebración do Día Internacional do Voluntariado tivemos ocasión de escoitar a experiencia persoal de dous profesores do centro, Ricardo Baamonde e Jesús Fernández, que compartiron con nós a súa viaxe a Malawi. Faláronnos do seu traballo de voluntariado en Chezi, que quixeron enmarcar dentro dos obxectivos Global Goals

Contáronnos do proxecto que teñen en marcha, consistente na instalación dun sistema de bombeo de auga alimentado por enerxía solar, que evite os problemas derivados do deficiente sistema de subministro eléctrico en Malawi.

Como as cousas teñen que ir pouco a pouco, pero sin pausa, formaron a asociación Pangono Pangono ("pouco a pouco" na lingua local) que vai tratar de recaudar fondos para este fin.



Transmitíronnos  que o cambio ten que partires de todos e cada un de nós, que non se necesita que sexan os grandes mandatarios e gobernantes os que inicien estes “grandes” cambios que se precisan para rematar coas grandes inxustizas deste mundo. Depende, en definitiva, de cada un de nós





1 de decembro de 2015

Chegaron novos títulos. Escolle a túa lectura para o Nadal

Bótalle un vistazo ás nosas novidades y prepara as túas lecturas cara ás vacacións. Atoparás un pouco de todo: novidades editoriais galegas, literatura castelá, banda deseñada, cine....

Recorda que no blog de lecturas na laboral podes picar na etiqueta de túa preferencia (novela negra, humor, ciencia, mulleres...) e ler unha pequena sipnose

http://lecturasnalaboral.blogspot.com.es/





28 de novembro de 2015

II Campaña solidaria de recollida de alimentos

Iniciamos a II Campaña solidaria de recollida de alimentos dende o luns 30 de novembro e ata o día 11 de decembro. Igual que o ano pasado, as doacións recóllense na biblioteca. Contamos coa túa solidariedade para superar o recollido na campaña anterior. Grazas anticipadas


Einstein visita A Laboral. Demostra canto sabes sobre el

Dende o pasado día 25 de novembro, coincidindo co centenario da Teoría da Relatividade, Albert Einstein acompáñanos no centro. Aproveitamos que 2015 é o Ano Internacional da Luz para para unir unha exposición sobre o tema no vestíbulo de cafetería, varias presentacións no monitor do vestíbulo da entrada cuxa temática principal é Einstein e unha gran mostra bibliográfica na biblioteca sobre este gran científico. Tamén podemos atopar varios aparellos que nos permiten coñecer algúns dos efectos da luz.



Se picas na imaxe poderás comprobar canto sabes sobre Einstein.

http://elpais.com/elpais/2015/11/23/ciencia/1448300541_407740.html

Sendo un dos científicos mais famosos da historia, tradicionalmente sonlle atribuidas un lote de frases mais ou menos inxeniosas. Pero a verdade é que moitas delas nunca foron pronunciadas por el. Queres saber cales dixo e cales non? Pica na seguinte imaxe



http://elpais.com/elpais/2015/04/06/ciencia/1428313144_548044.html

23 de novembro de 2015

25N: NON AO MALTRATO

O 25 de novembro conmemórase o Día Internacional contra a violencia de xénero. Para reflexionar sobre este problema, as súas causas e as vías para solucionalo, propoñémosvos o visionado deste cortometraxe rodado polos irmáns Esteban Alenda, nominado aos premios Goya no ano 2011, "El orden de las cosas"

Este curto é unha sucesión de acertadas metáforas e recursos visuales mediante as cales os irmáns César e José Esteban Alenda mostran a súa visión sobre a problemática dos malos tratos. Así desde a omnipresencia do auga como o valor e o estado de ánimo da protagonista, cuxo nivel vai variando, a ese cinto que Marcos busca desesperadamente ao ser a herdanza que recibiu de seu pai.

A protagonista é Julia e a súa vida encerrada nunha bañera de tristeza e soños truncados, de violencia machista e silencios cómplices, do medo que paraliza ás mulleres maltratadas.  Pero esta historia, sobre todo, fala de esperanza e de valentía, dese valor que se reúne pinga a pinga para poder cambiar a orde das cousas e construír unha nova vida.


18 de novembro de 2015

Información, imprescindible para a opinión

O que aconteceu en París deixounos sen palabras. Pero sempre queda a opción de buscar información para entender o que pasa ao noso arredor. Se é posible, fóra das canles habituais dos medios informativos. Isto brindaranos a oportunidade de formar a nosa propia opinión.

Picando na imaxe podes ler unha reflexión sobre o papel dos medios na formación da opinión pública

https://ericlluent.wordpress.com/2015/11/14/el-peligro-de-ponerse-la-foto-de-perfil-con-el-filtro-de-la-bandera-francesa/
 
Despois mira este video que explica o acontecido na área de Oriente Próximo ao longo da Historia, en termos bastante sinxelos.


http://whymaps.tumblr.com/post/130676615737/un-video-de-sdepazos-y-bruteix

Que opinas?

16 de novembro de 2015

Novidades de cine

Pásate pola biblioteca para emprestar algunha das novidades de cine. Atoparás un pouco de todo: humor, fantástico, social...



5 de novembro de 2015

Seguimos coas sesións de formación de usuarios

Como somos tantos no centro, aínda estamos facendo a formación de usuarios dos grupos de 1º. Estes días tócalles aos dos Ciclos Formativos de Marítimo.






Día da Ciencia en Galego con Xurxo Mariño

O alumnado de Bacharelato do centro participou na actividade organizada pola Coordinadora Galega de ENDL con motivo do VI Día da Ciencia en Galego e tivo ocasión de escoitar por videoconferencia a charla de Xurxo Mariño, "A máquina que constrúe a mente e a realidade".



Colaboraron na actividade o departamento de Bioloxía, o departamento de Física e Química e o ENDL do centro. Unha nova oportunidade para falar de ciencia e reivindicar a posibilidade de facelo en galego.

Se queredes saber mais sobre Xurxo Mariño, aquí tedes unhas notas biográficas e unha ligazóns de interese, elaboradas polo profesor Manuel Cid, Xefe do Departamento de Física e Química.

3 de novembro de 2015

Revisteiro de novembro

Xa temos as novas revistas na biblioteca. Queres viaxar a Lisboa? Saber mais sobre a última de James Bond? É posible un mundo sin gasolina? Como poden axudar as redes sociais á miña empresa?...
A resposta: na nosa hemeroteca



28 de outubro de 2015

Facendo as sesións de formación de usuarios

Xa que o pasado día 24 de outubro foi o Día das Bibliotecas, quixemos celebralo estes días coas sesións de formación de usuarios dirixidas ao novo alumnado do centro de 1º de Bacharelato e 1º de Ciclos Formativos.

Moitos decatáronse que atopar un libro é moi doado na nosa biblio. Houbo tamén quen nos visitaba por primeira vez. Todos descubriron as posibilidades que lles brinda a nosa @biblioviva.

Aquí tedes algúns alumnos de Bacharelato:



















Chegou a quenda do alumnado de Ciclos Formativos




























21 de outubro de 2015

Preparando o primeiro Boletín da Laboral


 Este ano iniciamos un novo proxecto que queremos compartir con vós: o vindeiro mes de decembro publicaremos o primeiro BOLETÍN de carácter informativo do centro. Trátase dunha iniciativa que busca compartir as experiencias, actividades e novidades que se levan a cabo no IES Universidade Laboral, e que recibiredes por correo electrónico profesores, persoal laboral, alumnos e familias.

Queremos animarvos a tod@s a participar, polo que solicitamos a vosa colaboración facéndonos chegar información sobre as actividades que levades a cabo dentro ou fora do centro, recomendacións lectoras ou de viaxes, curiosidades e toda información que sexa de interese para toda a nosa comunidade educativa.

Esperamos a vosa participación e colaboracións en: boletin@ulaboral.eu

Curruncho do emprego

Temos un novo centro de interese na nosa biblio: "O Curruncho do Emprego".

Acércate e infórmate sobre novas ofertas de emprego, cursiños, oposicións... Tamén atoparás materiais interesantes para elaborar o teu curriculum ou poñer en marcha a túa empresa.





4 de outubro de 2015

Xa estamos de volta!!

A biblio xa abriu as súas portas. Pásate por alí para ver as novidades, levar libros, DVD's, revistas, darlle unha volta á prensa do día, ou utilizar a sala de lectura, a aula de traballo colaborativo, os ordenadores...

Este curso ampliamos o noso horario: agora abrimos todolos días de 9:20 a 13:20. Aproveita!!

Para inaugurar as nosas exposicións preparamos unha selección de fondos de "ciencia ficción", xunto con outros de "auténtica ciencia". Pensas que están tan lonxe?





4 de xuño de 2015

Chega o verán: prepara as túas lecturas

Chegou o bo tempo e xa estamos todos pensando nas vacacións. Por diante, tempo para gozar do sol, do descanso... e das lecturas, por suposto.

Aí van as suxestións da biblioteca. Atoparedes un pouquiño de todo...




21 de maio de 2015

Gústache o cine?

Como sabemos que a túa resposta é positiva, na biblioteca fixemos unha clasificación das pelis que temos, cunha banda de cor indicativa da súa temática, para que che resulte mais doado atopar o que buscas.


Esperamos que che sexa útil
























Aquí tes unha pequena selección de películas que podes atopar na biblioteca