Paula Carballeira visita o Club de Lectura

 

Este martes temos sesión do Club máis esperada do ano, a visita de Paula Carballeira. Quedades convidados, Vinde!

Día de Rosalía 2026: Rosalía nas ondas da nosa Rula

 Estamos felices de poder prestar a nosa Radio na Biblio para colaborar na homenaxe a Rosalía que con tanto mimo preparou o EDLG.

 

A figura de Rosalía preside o noso hall e os seus versos quedarán gravados para sempre nos nosos podcast. Non hai mellor celebración que escoitar os versos de Rosalía nas voces de alumnado, persoal docente e non docente.

Unha pequena mostra, destacando o poema que inspira a exposición: "Quíxente tanto meniña". 

 

Tedes máis episodios listos para a escoita. 

Punto lúdico en galego na biblioteca grazas ao EDLG

 En galego tamén se xoga!

Con este lema puxemos a dispor do EDLG un dos nosos ordenadores para facilitar aos nosos usuarios a posibilidade de xogar nos tempos de lecer en lingua galega. 

 

 

 

As opcións gratuitas non son demasiadas pero pasiño a pasiño pensamos en que as opcións vaian medrando. De momento, podemos xogar co noso Apalpador, poñer a proba os nosos coñecementos sobre cultura galega ou axudar ao noso polbo a ir medrando...

 Ven xogar connosco!

Rosalía na nosa Rula (Radio na Biblio)

 Comezamos a preparar a homenaxe a Rosalía gravando poemas desde a Radio, grazas a coordinación de EDLG.

Faladoiro na biblioteca

 

Hoxe comeza o Faladoiro dos martes ás 11:30 na biblioteca, organizado polo Equipo Dinamización Lingua Galega. Durante media hora á semana conversaremos en galego e poden partipar tanto traballadores do centro como o alumnado.

Animádevos a participar!

Quen é o asasino? O noso Club atopa o culpable da man de Arantza Portabales

 

 

 

No noso clube non houbo ningún asasinato, pero si que falamos dalgún que outro crime con Arantza Portabales. Ademais de interrogar a autora como se fósemos inspectores ou a Gestapo, falamos de temas tan importantes como os coidados ou o poder do diñeiro e estivemos a opinar sobre as portadas de Asasinato na casa rosa. Foi moi interesante aprender sobre o proceso creativo e de escritura da autora e entender como xurdiron as súas personaxes. 

 

 Cos detalles vivencias que nos contou, comprendemos moito mellor a obra, pero non somos quen de entender como é que a autora ten tempo para escribir.

 

 

 

Renovamos os nosos fondos en lingua galega

 Levávamos tempo querendo ver crecer os nosos fondos con novidades en galego. Aquí están, por fin!

No noso blog de Lecturas na Laboral tes máis información sobre cada obra.

Novas recomendacións lectoras

 Seguimos recibindo novidades. Vinde a botar un ollo!

Xa temos listos os nosos deliciosos lotes de libros e productos galegos. Recomenda unha lectura e participa

 Mira o que temos preparado para celebrar o día do libro!

Para participar:

1. Visita a biblioteca.
2. Fai unha recomendación lectora, no documento xa preparado.
3. Saca unha foto co teu libro recomendado.
4. Podes facer cantas recomendacións queiras; cantas máis fagas, máis opcións de gañar o delicioso lote.
   

Preparando Deliciosas Lecturas para o Día do Libro

 Cada ano procuramos facer unha boa festa que celebre os libros e a lectura.

Desta volta, pensamos en agradecer as recomendacións "gourmet" que nos fagan os nosos usuarios premiandoos cunha participación nun sorteo de delicias galegas.

Trátase de que cada usuario que o desexe cubra a planilla de recomendación.

 

Tamén pedimos unha fotografía coa lectura escollida. Así xa se consigue unha participación no sorteo de dous lotes de productos galegos, que inclúe, como non podería ser doutro xeito, unha selección de poemas de Luisa Villalta, a homenaxeada este ano polas Letras Galegas.

O falar non ten cancelas: Radio na Biblio

 Hoxe inauguramos oficialmente a nosa Radio cunha proposta do Equipo de Dinamización da Lingua Galega. Tratouse do concurso "O falar non ten cancelas", dirixido ao alumnado de FPBásica.

Grazas aos profesores que fixeron realidade este proxecto, uns dende o punto de vista técnico e outros dotando de contido e sentido esta nova ferramenta da biblioteca.

Os gañadores, o equipo de FPBásica de Electricidade. Noraboa!!

Miguelanxo Prado comparte con nós a súa obra Ardalén

 

 Día de festa no Club de Lectura con convidado de luxo. 

O mellor agasallo de Nadal para os membros do Club de Lectura foi compartir con Miguelanxo Prado máis de tres horas de charla, o que nos brindou a oportunidade de coñecer o seu proceso creativo.

 

A tarde estivo protagonizada por Ardalén, unha verdadeira xoia, cunhas ilustracións marabillosas e unha estructura literaria onde se vai dosificando a información para que descubramos os laberintos da memoria de Fidel e a súa vida real e a imaxinaria. O realismo máxico invade a obra e ao final sempre nos quedará a dúbida de se realmente somos o que soñamos.

Miguelanxo falounos das súas lecturas, das laboriosas horas de creación no seu estudo e recomendounos obras imprescindibles de banda deseñada, moitos das cales xa están nos nosos andeis.

Agradecidas pola súa xenerosidade e deseando que volte outra tarde para falarnos do seu novo proxecto. 

A última sesión do ano quedará para sempre na memoria do Club, para construir o nosa traxectoria soñada.