Novo curso do Club de Lectura

 

Panel resumo do que significa un Club de Lectura. Os membros do noso Club escribiron a palabra que consideran máis acaída para definilo. Diversión, cambio, evasión, diversidade, luz... Non se pode definir mellor con tan poucas verbas.

Pois un ano máis aquí estamos dispostos a compartir historias ou... inventalas, como fixemos hoxe. Coa axuda do  xogo "Érase unha vez..." creamos unha historia bastante acaída para estes días de Samaín, con sapos, bruxas, prisións e pozos.

 

Xa temos unha nova cita para o vindeiro mes para seguir debullando historias. Ti tamén podes ser parte da historia do Club, aínda estás a tempo de unirte!

 

Chega o Samain entre esqueletos e contos

 Coma cada ano a biblioteca prepárase para o Día de defuntos e para celebrar o Samaín. 

Federico, o noso esqueleto favorito, xa seleccionou as lecturas máis acaídas para este día.

Aproveitando o escenario o alumnado de FP Básica acudiu na sesión do módulo de comunicación a contar historias de medo, tradicionais de Galicia coma a Santa Compaña, pero tamén de outros países de orixe do alumnado. Escoitáronse contos da República Dominicana, de Perú ou Brasil. E todos fixeron tremer aos asistentes... Atréveste a ler unha das nosas propostas de medo.

Samaín e xeografía de lendas e contos

 Estas datas son especialmente propicias para recordar as contos tradicionais que sempre escoitamos na nosa familia. Aproveitamos a oportunidade de compartir co noso alumnado de FP Básica as historias de tradición oral dos seus respectivos países de orixe: Colombia, Santo Domingo, Alemaña, Brasil...

Coidado coa Santa Compaña! Non sabemos se cumprirá as normas de confinamento!

O máis aconsellable é que busques un bo amuleto da sorte. Que tal se escolles algo da nosa exposición? Temos lecturas de medo e de terror para esquecer estes días tan escuros que nos tocan vivir en primeira persoa.

Contacontos laborais: Pepe Sendón e Marcos Teira visitarán a biblioteca

O vindeiro martes, 10 de abril, teremos a oportunidade de escoitar unha escolma de relatos na voz de Pepe Sendón, acompañado á guitarra de Marcos Teira.

Trátase dunha escolma de contos pensada especialmente para o alumnado da Universidade Laboral de Culleredo que teñen que ver con diferentes aspectos do mundo do traballo.

Son relatos de diferentes épocas, estilos e culturas, mostrando así os moitos modos en que a literatura se aproxima á experiencia do ser humano alí onde pasa as máis das horas do seu día: no seu posto laboral. Escritos polos autores: Rafael Dieste, Donald Barthelme, Heinrich Böll, Víctor Giudice, Primo Levi e Pippa Goldschmidt.

Contos do Camerún na biblioteca

Samuel Mountoumjou, contacontos camerunés, visitou a nosa biblioteca e invitounos a viaxar por África a través das súas historias, lendas, parábolas e anécdotas. Grazas ao departamento de Francés por facernos partícipes desta actividade.