Entrega da recaudación solidaria ao Banco de Alimentos de A Coruña

 

Acto oficial de entrega da recaudación solidaria a favor do Banco de Alimentos de A Coruña. Manuel Mora, o seu Presidente, xunto co equipo de voluntarios de centros educativos, visitaron A Laboral. Mostráronse moi agradecidos pola donación de 3650€, recaudados grazas ao mercado solidario e demais actividades de Nadal organizadas conxuntamente entre CIFP Universidade Laboral e a Sección de Culleredo da EOI. Tamén tivemos ocasión de coñecer as dificuldades para facer chegar os recursos necesarios a tanta xente en situación de vulnerabilidade.

Éxito do mercado de Nadal

 Pasado o ecuador da semana estamos moi satisfeitas da acollida do noso mercado, xa que tanto as rifas como a mercancía tiveron un éxito de ventas e estamos preto de alcanzar os 3000€ de recaudación! Marabilla!

 

 

Preparando o noso mercado solidario de Nadal

 Todo preparado para inaugurar o luns día 15 o noso Mercado Solidario de Nadal, organizado en colaboración coa sección da EOI de Culleredo. Poderás atopar libros, roupa e todo tipo de agasallos, moitos deles feitos a man ou elaborados no Espazo Maker da biblioteca do centro. Recorda que ten un fin solidario e que todo o recaudado será para o Banco de Alimentos Rías Altas

 Estaremos toda a semana cun amplo horario de apertura! Agardamos a túa solidariedade.

Giving Tuesday: Almorzo Solidario

 Para contrarrestar o peso que hoxe en día provoca o Black Friday, co seu consumismo desbocado, quixemos que o noso alumnado celebrase o Giving Tuesday, un día para a solidariedade.

Organizamos un almorzo solidario, onde profesorado e alumnado trouxeron doces elaborados coas súas mellores receitas e no recreo organizamos un posto de venda solidario. Resultou unha actividade moi gratificante, rodeada de propostas lectoras, cunha exposición organizada segundo o fío dun buffet literario, con obras de cociña tradicional (clásicos), novelas de Street Food (para devorar sen pausa), Cociña de Kilómetro Cero (obras galegas) e outras moitas propostas.

 O recaudado cos doces e a ruleta solidaria irá íntegramente para o Banco de Alimentos Rías Altas.

 

Libros que alimentan: Mercado solidario

 Deixamos unha mostra de imaxes do noso mercado solidario. Estamos moi satisfeitas do resultado xa que acadamos unha recaudación de 741,65€ que irán íntegramente destinados ao Banco de Alimentos Rías Altas.

 

Todo preparado para o noso mercado solidario

 Xa temos todo listo para o mercado de libros de segunda man. Xa sabedes que o recaudado vai para o Banco de Alimentos Rías Altas.

 

 

Preparando o Día do Libro: Mercado de segunda man

 Decidimos dar unha segunda oportunidade aos libros que todos temos na casa, xa lidos, e organizar un mercado de libros de segunda man o día 23 de abril.

Deste xeito os libros viaxarán cara a outros lectores e nutrirán as súas lecturas. O recaudado coa venda irá destinado ao Banco de Alimentos Rías Altas.

 

 

 

Talentos inclusivos

 Recibimos a visita de varios usuarios de ASPACE e dúas das súas coidadoras a través do programa Talentos Inclusivos no que estamos a participar. Estiveron contándolle aos nosos alumnos de 1º de CB Electricidade e electrónica como era o seu día a día e a importancia para eles dos retos que están a traballar. O noso alumnado tivo a oportunidade de preguntarlles dúbidas e tamén aproveitamos para gravar un Podcast para a nosa Radio na Biblio.