Este blogue quere ser unha porta aberta a toda a comunidade educativa, na que mostraremos as actividades da biblioteca, as novidades nos fondos e trataremos de facer recomendacións interesantes relacionados coa lectura e a cultura en xeral.
Na biblioteca estamos convencidas que dar oportunidades para mellorar a competencia linguística é unha das nosas funcións, máis se pensamos que tanto alumnado como profesorado teñen que desenvolverse en un mundo globalizado e tecnificado.
As posibilidades de practicar inglés para o profesorado acaban de ser ampliadas:
Este mes quixemos cambiar de rexistro, deixar o drama e pasarnos a unha obra máis humorística, aínda que non exenta de crítica social, Os Caravanistas, de Elizabeth von Arnim. A obra pon en boca do protagonista todos os estereotipos de xénero e descubrimos como as mulleres foron conquistando unha nova posición, máis xusta.
Este ano volvemos convidar a Manuel F. Herrador, profesor da UDC e divulgador, para que nos axudase a distinguir as fontes de información fiables dos bulos e intoxicacións informativas.
Falamos dos sesgos, experimentamos ao vivo como so vemos o que queren que vexamos cun xogo audivisual moi interesante.
Unha charla imprescindible e necesaria.
.jpg)
.jpeg)
.jpeg)
.jpeg)
Estamos felices de poder prestar a nosa Radio na Biblio para colaborar na homenaxe a Rosalía que con tanto mimo preparou o EDLG.
.jpg)
A figura de Rosalía preside o noso hall e os seus versos quedarán gravados para sempre nos nosos podcast. Non hai mellor celebración que escoitar os versos de Rosalía nas voces de alumnado, persoal docente e non docente.
Unha pequena mostra, destacando o poema que inspira a exposición: "Quíxente tanto meniña".
Tedes máis episodios listos para a escoita.
En galego tamén se xoga!
Con este lema puxemos a dispor do EDLG un dos nosos ordenadores para facilitar aos nosos usuarios a posibilidade de xogar nos tempos de lecer en lingua galega.
.jpeg)
As opcións gratuitas non son demasiadas pero pasiño a pasiño pensamos en que as opcións vaian medrando. De momento, podemos xogar co noso Apalpador, poñer a proba os nosos coñecementos sobre cultura galega ou axudar ao noso polbo a ir medrando...
.jpeg)
Este ano imos con algunha demora nas sesións de formación de usuarios, xa que as folgas de transportes e outras incidencias afectaron á nosa planificación. Pero nunca é tarde para descubrir a biblioteca e máis os seus fondos.
