Contos do Camerún na biblioteca

Samuel Mountoumjou, contacontos camerunés, visitou a nosa biblioteca e invitounos a viaxar por África a través das súas historias, lendas, parábolas e anécdotas. Grazas ao departamento de Francés por facernos partícipes desta actividade.

Sesións de formación de usuarios

Coma cada ano, nestes días estamos amosando a biblioteca ao novo alumnado de 1º de Bacharelato e 1º de Ciclos Formativos. Todos eles están a descubrir os nosos servizos e coñecendo os nosos fondos.

Unha actividade de moito proveito

O Club de Lectura xa está en marcha

Hoxe comezamos as reunións do Club do mellor xeito posible: dando a benvida aos novos membros, falando de libros, ollando as novidades e cunha nova lectura xa lista.

A proposta é "Marcas de nacemento" de Nancy Huston, que esperamos que guste a un grupo tan dispar (alumnado de Bacharelato e Ciclos, profesorado e persoal non docente)

Día das Bibliotecas

Hoxe é un día para celebrar a existencia das bibliotecas, espazos de liberdade, onde pensar e compartir, onde as palabras e as ideas ocupan os andeis

Parecenos oportuno compartir con vós dous videos onde os libros e a biblioteca xogan o papel de salvadores, de sabia medicina que alivia.
Para abrir boca, unha charla TED  

William Kamkwamba

Finalizamos cunha historia tan ben contada e ilustrada, que mereceu un Oscar

Buscamos xente que devore os libros

Gústache ler? Compartir? Que tal un café con doces? Anímate a formar parte do noso Club de Lectura e prepárate para devorar os libros... e os doces, claro.

Biblioteca aberta para pensar, descubrir e compartir

Hoxe recibimos os carteis co lema deste ano das bibliotecas escolares: "APRENDER A PENSAR NA BIBLIOTECA ESCOLAR"

Compartimos a idea de que a biblioteca é un espazo onde aprender a dialogar, a compartir experiencias e actividades diferentes ás que se se desenvolven nas aulas. Un espazo onde nos fagamos preguntas que permitan coñecer e manexar a complexidade da realidade.

Unha selección de obras filosóficas, científicas, literarias, de banda deseñada para empezar a pensar

Biblioteca aberta para o novo curso!!

Despedida do Club de Lectura

Hoxe tivemos a última sesión do noso CUL (Club ULaboral). Tocaba falar dun libro exquisito: "Carta de una desconocida" de Stefan Sweig

Foi nesta última sesión onde houbo unanimidade: a obra gustou a tod@s, polo seu estilo literario, pola historia que conta, polo asombro que produce o comportamento da protagonista, polo debate arredor do significado do amor...

Para rematar compartimos un xantar na cafetería do centro. Coa sobremesa chegou a sorpresiña final

A tarta resumo dun ano de lecturas.

A verdade que é un remate perfecto para o doce sabor que nos deixa este primeiro ano pola aventura dos Club de Lectura.


O mellor: que pasamos o tempo do café con miles de propostas lectoras para o curso próximo. E as risas, claro!!

O ano que ven, máis e mellor!!