Este blogue quere ser unha porta aberta a toda a comunidade educativa, na que mostraremos as actividades da biblioteca, as novidades nos fondos e trataremos de facer recomendacións interesantes relacionados coa lectura e a cultura en xeral.
Xa temos case todo listo para abrir as nosas portas con todas as medidas de seguridade que require a situación actual.
Temos sinalizados os postos segundo estean ou non dispoñibles cunha marca verde ou vermella.
Por suposto, tamén debes seguir todas as recomendacións xerais: distancia, uso de máscara e limpeza de mans. Tes á túa disposición xel hidroalcólico así como desinfectante e papel para a limpeza do teu posto de traballo.
Tocaba hoxe entregar os premios aos gañadores do concurso de microrrelatos organizado polo alumnado voluntario na biblioteca. Así que aproveitamos o día para despedir aos nosos voluntarios e voluntarias.
Non puidemos celebralo coma nos gustaría, pero polo menos mirámonos aos ollos e intercambiamos risas más aló da pantalla.
O acto comenzou cunhas palabras de Andrea:
A continuación repartimos os agasallos entre os premiados:
E unha foto de grupo.
Atrás queda o traballo desenvolto, as ilusións das primeiras reunións por facer tantas cousas... As circunstancias deste curso tan atípico e singular para todos os que formamos a comunidade educativa da Universidade Laboral marcaron a nosa axenda. Pero tiñamos unha por cumprir: a Axenda 2030. Ninguén merece máis ca eles lucir o logo do noso centro coa Axenda 2030. Un privilexio ter traballado con eles. Demostran co seu exemplo que un mundo mellor é posible.
Desexámoslles sorte nos novos camiños a percorrer!
As nosas recomendacións lectoras para o verán inspíranse na Axenda 2030. Buscamos lecturas relacionadas con cada un dos obxectivos para elaborar as nosas suxestións. Escolle o teu obxectivo e a ler!
Moitos membros da nosa comunidade educativa sumáronse á compaña das Bibliotecas Municipais de A Coruña, substituíndo as máscaras por recomendacións lectoras na nosa lingua.
O día 17 de maio celébrase o Día Internacional contra a Homofobia, a Transfobia e a
Bifobia para conmemorar a eliminación da
homosexualidade do listado de enfermedades mentais por parte de la
Asamblea Xeral da Organización Mundial da Saúde, que tivo
lugar o 17 de mayo de 1990.
Dentro do noso proxecto da Axenda 2030, prestamos especial atención ao ODS 5.
Queremos que o noso alumnado se sinta cómodo, acollido e defendido calquera que sexa a súa orientación sexual. O profesorado do centro reivindicamos este dereito cun pequeno vídeo.
Con motivo do Día Internacional contra a homofobia, transfobia e bifobia, seleccionamos algúns dos nosos fondos sobre esta temática.
Non hai mellor antídoto contra a ignorancia e o rexeitamento ao diferente que escoitar, ler e compartir. As lecturas traénnos outras realidades e amplian os nosos horizontes.
Chegou a ansiada desescalada e parece o momento propicio para sustituir as máscaras quirúrxicas por obras escritas na nosa lingua, poesía, novelas, ensaio... É hora de sacar a lingua dos recintos onde permanece confinada, coma un rito, e que ocupe terrazas e rúas.
Queremos que a nosa comunidade educativa participe na campaña das Bibliotecas Municipais de A Coruña #DesconfinarALingua. Compartimos íntegramente a súa xustificación e reproducimos o texto da presentación da mesma.
"Nesta nova normalidade hai unha ferramenta humilde e simple que nos
acompaña: as máscaras. Que cobren a nosa faciana hoxe para abrir
horizontes abertos mañá. Tamén así os libros, a música, o pensamento, a
palabra oral e escrita, nos achegan mundos, propostas, escenarios,
realidades que amplían as nosas propias vidas.
Este 17 de maio, Día das Letras Galegas tapamos
a boca coas máscaras diversas da creación en galego xustamente para
desconfinar a lingua, para abrir, cara nós e cara as demais, a xanela
grande de todo o que ofrece o idioma.
Desconfinar a lingua é descubrir toda a creación que se pode desfrutar en galego.
Desconfinar a lingua é, con Carvalho Calero, aproveitarmos o vínculo directo de galego e portugués para sentir un mundo de contidos e posibilidades.
Desconfinar a lingua é ir máis alá do coñecido e poñer o foco na creación máis viva e contemporánea.
Desconfinar a lingua é coñecela, poder usala, vivila con normalidade e sen filtros, en todos os ámbitos e situacións.
Desconfinar a lingua é mostrar a nosa cara este 17 de maio nas
redes, con libros, discos, publicacións, filmes... na nosa lingua, como
xeito de os mostrar, recomendar e dar a coñecer.
Unha ocasión para coñecer, usar e vivir a lingua con normalidade e sen filtros en todos os ámbitos e situacións."
