Xa chegou o Samain! Que non cho conten!

Podes atopar moreas de historias de medo nos nosos andeis, que non che meta medo a lectura!

 

Axenda 2030: Prepárate para reciclar

 A biblioteca  quere ser o fío condutor do traballo no centro en prol da Axenda 2030.

Entre as accións programadas anunciamos a visita do Punto Limpo Móbil no mes de novembro.

Continuamos así, un ano máis, a colaboración nas accións de sensibilización ambiental do Consorcio As Mariñas a través da presenza no centro do servizo de proximidade do Punto Limpo Móbil. Durante unha semana, a comunidade educativa poderá depositar no mesmo os residuos para os que está destinado, conseguindo deste xeito:

-Facilitar un punto de entrega dese tipo de residuos.

-Promover a recollida separada das fraccións de residuos, especialmente os de maior potencial contaminante e que se xeran en menor cantidade.

-Combater o depósito incorrecto destes residuos no lixo común ou directamente no chan á beira dos colectores.

-Contribuír á sensibilización en materia de residuos, promovendo o concepto de economía circular.

-Favorecer a recollida, clasificación e preparación dos residuos especiais do fogar, para a súa reutilización.

-Completar o servizo que se ofrece desde o Consorcio As Mariñas coa recollida de voluminosos, Minipunto Limpo Fixo e Punto Limpo fixo.

O correcto depósito de residuos supón un tratamento seguro para os mesmos na procura de espazos limpos e saudables. Isto implica a necesidade de sensibilizar na separación en orixe e no adecuado uso dos colectores instalados en vía pública para cada fracción (orgánico, inorgánico, papel, vidro, aceite, téxtil) así como do depósito do resto de tipoloxías de residuos urbanos en Punto Limpo.

Non queremos desaproveitar a ocasión para propoñer algunha lectura relacionada coa Axenda 2030 e os distintos ODS.

Volve o Club de Lectura

 Xa estamos organizando a volta do noso Club de Lectura. Estamos desexando compartir lecturas e sobremesas. 

Se os libros e as lambetadas son o teu, pásate pola biblioteca e infórmate. A primeira sesión será o martes día 7 de novembro, as 15:30.

Apertura da Biblioteca. Horario provisional

 Hoxe é o primeiro día de apertura da biblioteca. Aínda estamos en modo provisional e o horario non é definitivo. Trataremos de amplialo todo o que sexa posible.

Esperamos que o servizo resulte útil á comunidade educativa.

Benvid@s á nosa biblioteca.

 

Compartindo experiencias na Radio da Biblioteca

 Algunhas compañeiras comezaron este curso a impartir os seus módulos de xeito colaborativo, integrando os resultados de aprendizaxe nun proxecto conxunto.

Para aprender máis sobre esta proceso de ensino-aprendizaxe un grupo de profesores e profesoras viaxamos a finais de abril a Euskadi, para coñecer de primeira man o traballo de centros que levan máis de dez anos con esta experiencia. A verdade é que a visita resultou moi instructiva e voltamos con moitas ganas de compartir o que alí vimos.

 

 

Aquí tedes o enlace á charla que gravamos onte na biblioteca onde compartimos a experiencia da viaxe,  as dificultades e as ventaxas que tiveron Sara Lombao e Susana Rey traballando por proxectos e os pasos que está dando o equipo docente do Ciclo de Prevención de Riscos para levar adiante este xeito de traballar o vindeiro curso.

 

Proxecto de Radio listo!

 O alumnado do Ciclo de Instalacións de Telecomunicacións traballaron para deixar a nosa radio funcionando e lista para emitir.

Prototipos listos para molar na nosa biblioteca

 Quen pode presumir de ter materiais de deseño tan espectacular?

Grazas ao alumnado e o profesorado que o acompaña nestas tarefas. Nós estamos que morremos de amor!