25N: muro libre de violencia machista

O día 25N decidimos trasladar as nosas mensaxes contra a violencia de xénero ao hall do instituto. Alí todos tivemos oportunidade de expresar o noso rexeitamento contra calquera forma de violencia contra a muller

25N: Día Internacional da eliminación da violencia contra a muller

Tratamos de facer visible o problema da violencia contra as mulleres e de sensibilizarnos contra esta lacra social.

Toca reflexionar non só sobre as formas visibles de violencia, senón tamén ser conscientes de outra formas de violencia moito mais sutís: humor, publicidade, linguaxe sexista...

Na biblioteca temos unha selección de películas e libros que tratan esta temática. Tamén habilitamos un panel para que deixes a túa mensaxe contra a violencia de xénero.

Xa temos perfil de Instagram

Se queres seguirnos nas redes, agora estamos tamén en Instagram

O noso perfil

@bibliotecaulaboral

Segunda sesión do Club de Lectura

Hoxe tivo lugar a segunda reunión do CUL.
Tocaba falar de "Enderezo descoñecido", de Kressmann Taylor.

Pero antes tivemos tempo de degustar as novidades compradas estes días

Despois, entre cafés e doces, sairon películas, outras lecturas, moitas suxestións...

E o mellor! Xa temos a nosa seguinte lectura

Héctor Abad traeranos o espíritu familiar, a felicidade da infancia e daranos pé para falar do proceso de paz en Colombia e da capacidade para o perdón e a convivencia.

Cámara, luces e... ACCIÓN!!

Para os que gozades co cine, temos unha nova selección de películas, moitas delas protagonizadas por Superheroes e con moita acción!!

Revisteiro de novembro

Xa pasamos polo kiosko e collemos a nosa selección de revistas para este mes. Temos un pouco de todo: xogos, viaxes, cine, cociña, historia...

Intenso Día da Biblioteca II: Primeira sesión do Club de Lectura na quenda da tarde

Hoxe a Biblioteca estivo a pleno rendimento. Se pola mañá moitos alumnos descubriron o seu funcionamento, outros tiveron ocasión de participar na inauguración do novo Club de Lectura.

Todos os que alí estabamos eramos novatos nesto, pero houbo tempo para presentacións, compartir sobremesas, libros, películas e falar do que nos gustaría facer nas seguintes sesións. Parece que imos ter moito que contar...

Xa levamos a primeira lectura e quedamos en vernos de novo o 14 de novembro. Aínda hai tempo para vos unir se queredes. Preguntade na biblioteca.