3 de decembro de 2019

Ponte no seu lugar: Discapacidade e inclusión

O día 3 de decembro e o día internacional das persoas con discapacidade. Baixo o lema "Ponte no meu lugar" deseñamos unha chea de actividades para celebrar este día na biblioteca.



Inauguramos a actividade "Bibliotecas humanas", onde unha persoa ven relatar a súa experiencia de vida. Hoxe convidamos a Jesús Suárez, discapacitado visual. Jesús contounos como aos vinte anos diagnosticáronlle o seu problema de visión e como tivo que asumir a súa nova situación e reinventarse saíndo da súa zona de confort. A día de hoxe traballa, ten un grupo de rock, practica atletismo e exerce como voluntario. Un exemplo para calquera dos que non temos aparentemente ningunha discapacidade recoñecida, pero temos dificultades para afrontar os pequenos obstáculos cotiás.











Tocaba poñerse no lugar de Jesús. O alumnado que escoitaba a súa charla cursan o Ciclo de Animación Deportiva e precisamente teñen un módulo de atención a discapacitados. Así que houbo pronto voluntarios para poñerse na súa pel.







Os alumnos e alumnas que participaron na charla organizaron a continuación unha actividade no vestíbulo principal para experimentar en primeira persoa a falta de movilidade ou a falta de visión.




Unha xornada para defender a inclusión e unha nova oportunidade para traballar a Axenda 2030 e o obxectivo 10


Ningún comentario:

Publicar un comentario

Graciñas por participar en biblioviva