Este blogue quere ser unha porta aberta a toda a comunidade educativa, na que mostraremos as actividades da biblioteca, as novidades nos fondos e trataremos de facer recomendacións interesantes relacionados coa lectura e a cultura en xeral.
Onte, 17 de outubro, recordamos o día das mulleres escritoras. En realidade, cada día procuramos destacar a obra das mulleres e atraer ao andel de Igualdade aos nosos usuarios. Nesta ocasión aproveitamos para poñer sobre a mesa a escrita de moitas autoras galegas.
Inauguramos as nosas exposicións enchendo os andeis de mulleres e a súa obra. Temos para escoller: poesía, narrativa, ensaio... Mulleres diversas con ópticas femininas.
