Biblioteca aberta para pensar, descubrir e compartir

Hoxe recibimos os carteis co lema deste ano das bibliotecas escolares: "APRENDER A PENSAR NA BIBLIOTECA ESCOLAR"

Compartimos a idea de que a biblioteca é un espazo onde aprender a dialogar, a compartir experiencias e actividades diferentes ás que se se desenvolven nas aulas. Un espazo onde nos fagamos preguntas que permitan coñecer e manexar a complexidade da realidade.

Unha selección de obras filosóficas, científicas, literarias, de banda deseñada para empezar a pensar

Biblioteca aberta para o novo curso!!

Axúdanos a avaliar a nosa biblioteca

Queremos mellorar! Axúdanos contestando este formulario. Grazas anticipadas

Intenso Día da Biblioteca I: Formación de usuarios na quenda da mañá.

Como cada ano, comezamos as sesións de formación de usuarios para os alumnos novos no centro, xa cursen Bacharelato ou Ciclos Formativos.

Mostrámoslles os servizos da biblioteca e a súa organización. Rematamos cunha actividade didáctica dirixida a que o alumno localice determinadas obras entre os fondos da biblioteca.

Algúns cursos de Ciclos Formativos visitaron hoxe a biblioteca, coincidindo co Día da Biblioteca. Un xeito moi proveitoso de celebrar a data.

Facendo as sesións de formación de usuarios

Xa que o pasado día 24 de outubro foi o Día das Bibliotecas, quixemos celebralo estes días coas sesións de formación de usuarios dirixidas ao novo alumnado do centro de 1º de Bacharelato e 1º de Ciclos Formativos.

Moitos decatáronse que atopar un libro é moi doado na nosa biblio. Houbo tamén quen nos visitaba por primeira vez. Todos descubriron as posibilidades que lles brinda a nosa @biblioviva.

Aquí tedes algúns alumnos de Bacharelato:

Chegou a quenda do alumnado de Ciclos Formativos

Día da Biblioteca

Hoxe celebramos o Día das Bibliotecas. No noso centro cóllenos cheos de preparativos e plans, para facer que o noso IES teña unha #Biblioviva todo o ano. 

Contámosvos un pouquiño.

• A vindeira semana faremos unha actividade de formación de usuarios para os alumnos de 1º de Bacharelato
• Onte chamáronnos da Fundación Barrié para darnos a nova de que fumos seleccionados para acoller a MatExpo, unha exposición itinerante que nos achega ás matemáticas dun xeito ameno e visual, recordando que as matemáticas están en todo o que nos rodea e descubrindo a estreita relación entre esta disciplina e outras como as artes ou a literatura; todo elo, a través dos traballos de mais dun centenar de alumnos galegos. A exposición consta de 6 tótems verticais nos que se amosan:
• 48 Esopías (relatos ou poemas cunha lonxitude máxima de 140 caracteres e onde cada unha das palabras empregadas ten un número de letras igual ás sucesivas cifras do número pi)
• 24 Fotografías Matemáticas (Imaxes gráficas comentadas que resaltan a través de fotografías a presencia constante dos elementos matemáticos ao noso arredor para por de relevo a sua utilidade na nosa vida cotiá)
  
  
  
  
  
   
  
  
  Gracias a educabarrié!!!
  
  
  Podedes atopar mais información en:
  • http://mateblog.educabarrie.org/concurso-de-esopias/
  • http://mateblog.educabarrie.org/concurso-de-fotografia-matematica/
  • http://www.educabarrie.org/gl
  
  
  Mentras, seguimos traballando na construcción da nosa biblioteca virtual.
  
  
  Como vedes, moitos plans en marcha!!!

Benvid@s a BIBLIOVIVA

Comeza hoxe a nosa viaxe neste blogue, dende onde queremos reivindicar o papel dos libros, da música, da cultura para axudar a formar ciudadáns mais libres.
 
Que mellor que adicar a nosa primeira entrada a Mafalda, que pese a cumprir xa 50 anos, está mais en forma que nunca. Ah!! Tamén este ano A Laboral, o noso IES, cumpre 50 anos. Qué gusto compartir aniversario con tan ilustre personaxe!!