Este blogue quere ser unha porta aberta a toda a comunidade educativa, na que mostraremos as actividades da biblioteca, as novidades nos fondos e trataremos de facer recomendacións interesantes relacionados coa lectura e a cultura en xeral.
Como cada ano no centro queremos ter moi presente a data do 25N e a biblioteca centralizará parte da actividade a desenvolver.
Aínda non queremos desvelar o que faremos pero necesitamos a colaboración de toda a comunidade educativa.
Pasa pola biblioteca, deixa o teu par de zapatos vellos e leva unha papeleta para participar no sorteo dun cheque agasallo de 50€.
Seguiremos informando...
Da man de Alana S. Portero e a súa obra "La mala costumbre" fixemos toda unha descuberta do barrio de San Blas e unha volta á sociedade dos oitenta, con toda a súa dureza.
Grazas a que temos ben nutridos os nosos andeis da biblioteca de xénero e igualdade, poidemos seleccionar obras que tratan de todos os compoñentes das siglas LGTBI+.
Impensable para moitas persoas do colectivo que tiveron que enfrentarse a todos os prexuízos sociais (e seguen a facelo aínda hoxe) que anos despois estes temas se falen abertamente nos centros educativos. Que libres nos fai a lectura!
Deixamos por aquí os materiais da sesión.
Para deixar bo sabor de boca, o mellor de cada sesión: as delicias con que nos agasalla a nosa coordinadora e unha nova proposta lectora. Desexando a seguinte!
Calquera actividade que se programe para o 8M ten que procurar impactar no máximo número de alumnado, se é posible sobre todo no alumnado masculino. No noso centro, dado o seu perfil, sempre temos presente a visión masculina e tratamos de deseñar actividades que leven a considerar novas visións e perspectivas.
Estamos moi satisfeitas do impacto da actividade deseñada, onde a participación foi masiva.
Como veredes está na entrada do centro unha pequena exposición con debuxos de recoñecidas mulleres no seu campo de traballo. Todas as láminas van acompañadas dun código QR que permitirá ao alumnado participar no concurso Quen é quen? buscando a información para dar resposta ao cuestionario.
O alumnado poderá participar pola súa conta ou os profesores/titores poderán baixar co seu grupo durante unha hora da súa clase.
1.- Deberán coller un cuestionario, cada un deles ten 5 preguntas e hai 10 modelos distintos.
2. Responderá ás pregunta e no mesmo papel indicará nome, apelidos, curso e ciclo así como un teléfono de contacto. E depositará as respostas na urna.
Poderán participar do 6/03 ao 14/03 e sortearemos unha tarxeta agasallo de Mediamarkt de 100€
O sorteo realizarase o venres, 15 de marzo duranto o recreo na biblioteca.
Deixamos unha pequena mostra das láminas seleccionadas, utilizando as imaxes dos libros "Mujeres de ciencia: 50 intrépidas pioneras que cambiaron el mundo" e "Mujeres en el deporte: 50 intrépidas deportistas que jugaron para ganar", de Rachel Ignotofsky.
Cada ano aproveitamos o 8M para tratar de visibilizar ás nosas alumnas, máis escasas do que nos gustaría nos ciclos formativos que se imparten no centro.
Desta volta elaboramos uns paneis facendo a Natalia, Carmen, Andrea, Sara, Valentina, Vicky e Gala protagonistas e animando a outras rapazas a cursar os seus ciclos formativos.
Mulleres ao centro!
Na biblioteca fixemos unha selección de obras que tratan o amor, pero non queremos falar do mito do amor romántico, senón de tantas outras formas de amar.
Onte tivemos unha sesión moi especial no Club. Era a nosa primeira vez no espazo provisional habilitado durante o desenvolvemento das obras no centro. Temos que recoñecer que salvadas algunhas cuestións técnicas estamos colléndolle o punto á nova biblioteca.
Nova experiencia compartindo a sesión con parte do alumnado de 2º do CS de Ensinanzas e Animación Sociodeportivas que se sumou ao convite de ler Invisible, de Eloy Moreno.
Falamos sen filtros do bullying, dos acosados, dos acosadores, das nosas experiencias e da responsabilidade de todos ao manter unha cómoda pasividade, mirando para outro lado.
Para preparar a sesión seleccionamos entre os nosos fondos algúns textos que teñen relación co acoso, a discriminación e a saúde mental, prestando especial atención a aqueles relacionados co mundo do deporte, para que tivesen maior interese para os nosos convidados.
.jpg)
Iniciamos a charla visualizando un video que reflicte unha situación de acoso.
O debate sobre a lectura foi moi intenso, xa que todos nós vivimos preto nalgunha ocasión situacións similares.
Utilizamos o xogo Ikonikus para falar dos alcumes que algunha vez tivemos e expresar como nos fixo sentir recibir este nome. Espallamos as tarxetas sobre a mesa e cada quen escolleu a máis representativa da súa emoción. Reflexionamos tamén como o protagonista da novela non ten nome, e como é unha estratexia acosadora deixar sen nome propio, sen identidade, ao acosado.
Na obra a tatuaxe da profesora, o dragón, fai o papel de guardián. Quixemos empoderarnos escollendo tamén nós un animal mitolóxico para que nos represente.
.jpg)
Case dúas horas de debate e charla compartida, que souberon a pouco.
A mellor forma de estrear o novo espazo da biblioteca: mesa chea de libros e arredor persoas comprometidas en reflexionar, ler e compartir.
Queremos recoller nesta entrada as actividades desenvolvidas co gallo do 25N, das que xa mostramos os preparativos neste mesmo blog.
Preparamos na entrada unhas mesas con tarxetas moradas, bolígrafos e fío para colgar as mensaxes das árbores.
.jpg)
.jpg)
Tamén entregamos unhas pulseras a todos os que se acercaban ao bosque.
.jpg)
.jpg)
