Entregamos os nosos primeiros portátiles solidarios

 Grazas ao alumnado dos Ciclos de Electrónica puidemos levar adiante a iniciativa de rehabilitar vellos portátiles e entregarllos a todos aqueles solicitantes que necesitan esta ferramenta para seguir con normalidade o proceso de ensino nestes tempos de pandemia.

Hoxe entregamos o seu equipo a un primeiro grupo de solicitantes.

Grazas a todos os que donaron o seu equipo e sobre todo ao alumnado que levou a cabo o traballo de actualización. Se tes algún equipo dispoñible, aínda estás a tempo xa que temos solicitudes pendentes de atender.

O teu vello portátil pode ser solidario

A axenda 2030 segue a estar moi presente no noso centro e así na Laboral procuramos rachar coa fenda dixital. Neste tempo de pandemia é especialmente importante que todos e todas teñamos acceso aos medios e recursos dixitais para que a igualdade de oportunidades sexa real.

 

Por iso, se tes algún portátil que funcione e non uses por obsoleto e queres facer unha cesión á Universidade Laboral de Culleredo, o alumnado de 1º CS de mantemento electrónico estará encantado de reacondicionalo para poder prestarllo a aquel alumnado que o precise. Este curso é máis necesario ca nunca.

 

Agradecemos ao Concello de Culleredo a doazón de 15 portátiles usados ao noso centro, para que o alumnado dos ciclos de electrónica os reacondicione. Estes portátiles serán cedidos en préstamo ao alumnado que non teña recursos para comprar un.

 

 

 

Moitas gracias ao Concello por colaborar coa igualdade de oportunidades na Educación!! O ODS 17, alianzas para acadar os Obxectivos da Axenda 2030 é fundamental.

Os recursos da Laboral ao servizo do noso alumnado durante a crise do Coronavirus

As necesidades do noso alumnado cambiaron ante a obriga de continuar o proceso de ensino a través da teleformación. Algúns dos alumnos e alumnas non contaban cun equipo informático adecuado para desenvolver as tarefas e acceder aos recursos facilitados polo profesorado nas plataformas de formación virtual.

O equipo directivo decidiu desmantelar unha das aulas de informática do centro dotada de ordenadores portátiles e repartir os equipos entre o alumnado que o solicitara previamente.

Novo portátil UBUNTU cedido ao alumnado

Outro alumno cun portátil UBUNTU!!! Samuel, do CS de Prevención de Riscos, coñecerá todas as posibilidades que ofrece Software Libre ao serlle cedido un dos portátiles UBUNTU que o @iesulaboral pon a disposición do alumnado.
A entrega do portátil UBUNTU foi realizada polo director Miguel Pena, xunto con María Moares, a súa titora, e Ricardo Baamonde, coordinador do equipo TIC.
Atréveste ti tamén co Software Libre?? 

Coñece o Software Libre: cedemos un portátil con UBUNTU.

Ismael, alumno do CS de Prevención de Riscos, xa está disfrutando de todas as posibilidades que ofrece Software Libre. Xa lle foi entregado por Miguel Pena, director do IES Universidade Laboral, María Moares, a súa titora, e Fernando Vidal, do equipo TIC, un dos portátiles UBUNTU que a biblioteca do IES Universidade Laboral pon a disposición do alumnado para dar a coñecer o potencial do Software Libre.
Se es alumno ou alumna do IES Universidade Laboral, podes coñecer todas as posibilidades que ofrece o Software Libre solicitando a cesión dun dos portátiles UBUNTU que o centro pon á vosa disposición. Podes solicitar a cesión a traves do teu titor ou titora.

Novos recursos TIC para o alumnado

Coa intención de dar a coñecer as posibilidades do Software Libre e dar de paso a posibilidade para que o alumnado con poucos recursos poida ter tamén acceso a un equipo informático, o equipo TIC actualizou tres portátiles antigos instalándolle un disco duro SSD e o sistema operativo Linux coa distribución UBUNTU.

Esta semana anunciouse na web do centro e nas redes sociais a apertura do prazo para que o alumnado, a través da titoría, poida solicitar a cesión ata fin de curso dun dos portátiles UBUNTU.

O prazo para a solicitude da cesión dos equipos remata o vindeiro xoves 21 de marzo.

Tamén se instalou o AUTOCAD en varios equipos da biblioteca para facilitar ao alumnado os recursos  axustados as demandas das programacións dos módulos técnicos dos Ciclos Formativos