Os ODS e as artes inspiran as nosas reivindicacións

Pensamos que calquera circunstancia, incluso as máis negativas, pode servir para traballar contidos e valores.

Á hora de defender a nosa singularidad, reivindicando a permanencia de todas as ensinanzas que se imparten actualmente no centro, consideramos que era unha boa ocasión para combinar arte e os obxectivos da Axenda 2030.

Deste xeito, estamos a facer "perfomance" inspiradas en grandes obras da pintura, escenas de película, carátulas de discos...

Recollemos as feitas ata agora, pero seguiremos!

Entrega de premios aos gañadores do Concurso Galifoto

Aquí tedes aos gañadores do concurso de fotografía promovido polo Equipo de Dinamización de Lingua Galega. Recibiron o seu diploma de mans de membros do EDLG, do departamento de Lingua Galega e do equipo da biblioteca.

A Fotografía: toda unha arte

Hoxe tivemos ocasión de coñecer moitas cousas sobre a luz e a fotografía, grazas á exposición de Adrián Iglesias, alumno de 2º do CS de Mantemento de Instalacións Térmicas. Adrián forma parte de unha asociación recén creada, Foto Acción Coruña, que gustan de fotografiar a noite, as estrelas, facer lightpainting...

Entre os asistentes moitos dos alumnos dos Ciclos de Marítimo-Pesqueira, xa que, ademáis de ter estudado no Ciclo o módulo de Astronomía, van ter ocasión de gozar durante a súa vida profesional de ceos cheos de estrelas, alonxados de todo foco de contaminación lumínica.

Logo de aprender un lote sobre o mellor momento para capturar o ceo azul da noite, facer fotografías circumpolares das estrelas... quedamos abraiados coa beleza das imaxes captadas coa súa cámara. Aínda máis cando nos explicou que as súas fotografías non tiñan tratamento dixital e que eran só resultado da paciencia para manter o tempo de exposición.

Animounos a aficcionarnos a unha actividade onde o respecto á natureza, a oportunidade de visitar lugares máxicos conxúganse co afán de experimentar.

Que mellor que rematar a charla facendo unha experiencia no salón de actos, coas luces apagadas e creando focos de luz coas pantallas dos nosos móbiles.

O resultado, espectacular

Biblioteca territorio das Artes: A fotografía e a luz

O vindeiro mércores na biblioteca teremos ocasión de falar sobre a arte da fotografía, a súa técnica e como xogar coa luz para conseguir abraiantes imaxes do ceo nocturno. Que mellor que aproveitar a experiencia dun dos nosos alumnos do CS de Mantemento de Instalacións Térmicas que lles falará aos seus compañeiros de Bacharelato e Ciclos de Marítimo Pesquera sobre a mellor época do ano para fotografiar a vía láctea, o equipo necesario e o procesamento técnico para lograr a máis impactante imaxe.

Día das Letras Galegas na Laboral

Hoxe celebramos no centro a Festa das Letras Galegas.

Tivemos tempo para escoitar a nosa música tradicional,

 música clásica,

música popular galega,

recordar algún dos autores homenaxeados outros anos e os seus versos,

desfrutar vendo os malabares dos alumnos do Ciclo Superior de Animación Física e Deportiva

e a súa coreografía final

Por suposto, tamén houbo entrega de premios dos concursos promovidos polo EDLG e a biblioteca

En definitiva, unha festa onde quedou claro que todos sumamos na defensa da nosa lingua.

Gañadores concurso Día do Libro

Xa temos gañadores dos concursos de deseño de portadas "Recoméndoche" e o do selfie "E ti que les?".

A gañadora do deseño de portadas é Uxía Caridad Varela, de 1º de Bacharelato E,  que nos recomenda o libro de Laura Gallego "Dos velas para el diablo".

Aquí tedes o seu traballo, xunto con outros partícipes no concurso

O gañador do concurso de selfie é Brais Patiño Chao, de 1º de CS de Mantemento de Instalacións Térmicas, co libro "Zombi. Guía de Supervivencia", de Max Brooks

Día do Libro

Hoxe na Laboral celebramos o día do Libro!!

Escolle unha das novidades que mercamos para celebrar este Día do Libro 2015 e desfruta

No noso blogue de Lecturas na Laboral, poderás ver un resumo de cada un e seleccionar os mais preto aos teus intereses, usando as etiquetas (Banda deseñada, galego, novela negra...). Preme nas imaxes.

Na entrada da biblioteca e no vestíbulo do centro fixemos unha solta de libros, que podes levar sen volta a túa casa.

E aínda estás a tempo de participar nos nosos concursos "E ti que les? e "Recoméndoche"

E ti que les na Laboral?

Xa temos as primeiras fotos e selfies no noso twitter @bibliovivaU , para participar na nosa campaña #etiquelesnalaboral

Recorda que podes gañar unha tarxeta agasallo por valor de 50€!!

O equipo da biblioteca tamén fixo a súa aportación #etiquelesnalaboral anímate a participar!!!!! pic.twitter.com/gIIcuL2R1x
— Biblioviva Ulaboral (@BibliovivaU) abril 16, 2015

Made in Galiza #etiquelesnalaboral @BibliovivaU pic.twitter.com/KkKXFkxVp0
— Nuria Varela (@nurinhav) abril 13, 2015

Participa no concurso de selfie. Celebra o Día do Libro #etiquelesnalaboral @BibliovivaU pic.twitter.com/qA8h57xevh
— Eugenia García Canle (@EugeniaGCanle) abril 13, 2015

O noso Coordinador de FCT, facendo exercicio #etiquelesnalaboral pic.twitter.com/vHzcfDrpFv
— Biblioviva Ulaboral (@BibliovivaU) abril 16, 2015

O Coordinador de FCT lendo "Ulises", Premio Nacional de Traducción, #etiquelesnalaboral pic.twitter.com/23likjNj3j
— Biblioviva Ulaboral (@BibliovivaU) abril 16, 2015

@BibliovivaU #etiquelesnalaboral aprendiendo a mojar una galleta : D pic.twitter.com/fJYMDaW7iK
— GordoVago (@andresgoez123) abril 18, 2015

@BibliovivaU O señor xefe de estudos no seu despacho relendo Cantares Galegos, #etiquelesnalaboral pic.twitter.com/xJWTYzB6ua
— Manuel Rodríguez (@anxonunez) abril 20, 2015

#etiquelesnalaboral pic.twitter.com/d1aCk05vcZ
— ouveo (@ouveo) abril 19, 2015

Pásate polo noso photocall do Día do Libro

Xa temos listo o panel para que saques o teu selfie.

Recorda etiquetalo co lema #etiquelesnalaboral e publicalo en Twitter ou envialo ao noso correo biblioviva@ulaboral.eu

A coordinadora da biblioteca xa fixo a súa primeira recomendación: "A memoria da choiva", de Pedro Feijoo.

Preparativos para a celebración do Día do Libro

Xa sabedes que o día 23 de abril celébrase o Día do Libro. Por iso, o equipo da biblioteca anímate a participar nas dúas actividades que che propoñemos.

A primeira: Trátase de que recomendes un libro, debuxando de xeito orixinal a súa portada. Todos os participantes recibirán un agasallo e o gañador recibirá unha tarxeta da FNAC. Nos carteis tes mais información

Para a segunda actividade, só precisas o teu móbil, facer un selfie ou unha fotografía orixinal na que esteas lendo, subila ao Twitter ca etiqueta #etiquelesnalaboral ou, se preferides, podedes enviala ao noso correo: biblioviva@ulaboral.eu. Anímate, é moi doado gañar!! Pásate pola biblioteca e infórmate. Tamén poderás ver o Photocall que temos preparado para as túas fotos!!