Ponte no seu lugar: Discapacidade e inclusión

O día 3 de decembro e o día internacional das persoas con discapacidade. Baixo o lema "Ponte no meu lugar" deseñamos unha chea de actividades para celebrar este día na biblioteca.

Inauguramos a actividade "Bibliotecas humanas", onde unha persoa ven relatar a súa experiencia de vida. Hoxe convidamos a Jesús Suárez, discapacitado visual. Jesús contounos como aos vinte anos diagnosticáronlle o seu problema de visión e como tivo que asumir a súa nova situación e reinventarse saíndo da súa zona de confort. A día de hoxe traballa, ten un grupo de rock, practica atletismo e exerce como voluntario. Un exemplo para calquera dos que non temos aparentemente ningunha discapacidade recoñecida, pero temos dificultades para afrontar os pequenos obstáculos cotiás.

Tocaba poñerse no lugar de Jesús. O alumnado que escoitaba a súa charla cursan o Ciclo de Animación Deportiva e precisamente teñen un módulo de atención a discapacitados. Así que houbo pronto voluntarios para poñerse na súa pel.







Os alumnos e alumnas que participaron na charla organizaron a continuación unha actividade no vestíbulo principal para experimentar en primeira persoa a falta de movilidade ou a falta de visión.

Unha xornada para defender a inclusión e unha nova oportunidade para traballar a Axenda 2030 e o obxectivo 10

"A ira dos mansos", moito máis que unha lectura

A lectura de "A ira dos mansos" deunos a oportunidade de abrir o noso Club de Lectura ao centro e invitar ao debate e reflexión que este libro leva consigo a outros alumnos do centro moi implicados co tema de fondo da obra: a discapacidade e a integración.

Consideramos que tiñamos que invitar aos alumnos do Ciclo Superior de Animación de Actividades Físicas e Deportivas, que todos os luns acollen nas súas aulas aos usuarios da Asociación de Pais de Discapacitados de Oleiros (Aspadisol) para desenvolver algún dos módulos de atención a persoas con discapacidades.

O debate resultou moi enriquecedor xa que ademáis do autor Manuel Esteban (cuxo fillo ten síndrome de Down) participaron no debate a Directora de Aspadisol, dúas profesionais que atenden no seu gabinete a persoas discapacitadas e tamén escoitamos a voz das familias, na boca de algunhas compañeiras do centro que teñen fillos con discapacidades.

Está claro que os libros e os Clubs de Lectura poden axudar a formar cidadáns comprometidos e implicados e que abren novas portas para traballar fóra das paredes da biblioteca escolar.

Unhas fotos da sesión

Discapacidade e integración: Manuel Esteban no noso Club de Lectura

O noso Club de Lectura ten prevista unha nova sesión o vindeiro luns, 3 de abril, para recibir a Manuel Esteban autor da novela "A ira dos mansos" galardoada co Premio Xerais de Novela 2016.

A temática de fondo desta obra (a discapacidade e a integración) ten especial interese para nós, xa que os nosos alumnos do Ciclo Superior de Animación de Actividades Físicas e Deportivas colaboran co centro Aspadisol (Asociación de Padres de Discapacitados Psíquicos de Oleiros), recibindo aos seus usuarios nas nosas aulas todas as semanas para desenvolver o módulo de actividades físicas para persoas con discapacidades.

O luns teremos ocasión de escoitar as voces do autor (cuxo fillo ten síndrome de Down), xunto coa directora de Aspadisol, dúas profesionais do Centro Alere de Psicoloxía e Logopedia e tamén participará algunha familia. Todos eles tratarán de trasladarnos as dificultades que cada día atopan estas persoas para integrarse de pleno dereito nunha sociedade que se mostra de costas, moitas veces por simple descoñecemento da súa realidade.

Sirva de exemplo moi significativo este video

Igualmente queremos agradecer ás Bibliotecas Municipais de A Coruña a cesión temporal de fondos para ilustrar esta temática na nosa biblioteca.