Este blogue quere ser unha porta aberta a toda a comunidade educativa, na que mostraremos as actividades da biblioteca, as novidades nos fondos e trataremos de facer recomendacións interesantes relacionados coa lectura e a cultura en xeral.
Pensamos que un xeito de celebrar o ano Castelao era empregar a nosa radio para gravar coa nosa comunidade educativa un audiolibro da súa obra Cousas.
Estes días arrancamos as gravacións co alumnado do Ciclo de Eficiencia Enerxética, na Modalidade a Distancia. Aproveitamos que acudiron a unha clase presencial para recoller as súas voces, algunhas delas procedentes de lugares moi alonxados, coma Montevideo.
Este mes de febreiro estamos facendo formación intensiva na Radio, tanto profesorado como alumnado. Tivemos de todo, formación externa con Laboratorio de Radio e uns intensivos cursos internos por parte dos responsables da nosa Radio.
De novo temos que agradecer ao noso alumnado a súa colaboración por deseñar e elaborar elementos de retención dos libros nos andeis.
Están moi chulos!
O alumnado do Ciclo de Instalacións de Telecomunicacións traballaron para deixar a nosa radio funcionando e lista para emitir.
Quen pode presumir de ter materiais de deseño tan espectacular?
Grazas ao alumnado e o profesorado que o acompaña nestas tarefas. Nós estamos que morremos de amor!
Estamos namoradas dos novos soportes elaborados polo alumnado grazas a implicación das súas profesoras dos módulos técnicos de procesos de montaxe.
.jpg)
Un toque industrial para os nosos soportes, que lles da unha personalidade única. Grazas!
Este ano decidimos construir unha árbore de Nadal chea de solidariedade.
De novo contamos co compromiso e axuda do alumnado do Ciclo de Mantemento de Instalacións Frigoríficas que se encargaron do deseño e montaxe da estructura.
Cada día os membros da comunidade educativa imos completando o noso calendario solidario, enchendo as caixas preparadas co alimento correspondente ao día.
Este Nadal debemos ser máis solidarios ca nunca. Un paso máis para contribuir coa Axenda 2030.
Grazas ao alumnado dos Ciclos de Electrónica puidemos levar adiante a iniciativa de rehabilitar vellos portátiles e entregarllos a todos aqueles solicitantes que necesitan esta ferramenta para seguir con normalidade o proceso de ensino nestes tempos de pandemia.
Hoxe entregamos o seu equipo a un primeiro grupo de solicitantes.
A axenda 2030 segue a estar moi presente no noso centro e así na Laboral procuramos rachar coa fenda dixital. Neste tempo de pandemia é especialmente importante que todos e todas teñamos acceso aos medios e recursos dixitais para que a igualdade de oportunidades sexa real.
Por iso, se tes algún portátil que funcione e non uses por obsoleto e queres facer unha cesión á Universidade Laboral de Culleredo, o alumnado de 1º CS de mantemento electrónico estará encantado de reacondicionalo para poder prestarllo a aquel alumnado que o precise. Este curso é máis necesario ca nunca.
