Día da Paz na biblioteca

Quedáranos sen compartir a exposición polo Día da Paz na nosa biblioteca.

 

Lecturas para non repetir a historia

 Hoxe que se celebran os 80 anos da liberación do campo de exterminio de Auschwitz pode ser bo momento para retomar algunhas lecturas, seleccionadas fai tempo para unha sesión do noso Club.

 

Tamén a actualidade obriga a retomar este collage que fixemos no seu día, durante o primeiro mandato de Trump.

A cultura e a lectura son as únicas armas para combatir a desinformación e tratar de evitar que a historia se repita.

Renovamos os nosos fondos en lingua galega

 Levávamos tempo querendo ver crecer os nosos fondos con novidades en galego. Aquí están, por fin!

No noso blog de Lecturas na Laboral tes máis información sobre cada obra.

Lecturas para o Nadal

 Xa temos preparadas as nosas recomendacións para estes días de festa. 

Destacamos algunhas das nosas suxestións:

• Mergúllate na saga de Blackwater, a historia dunha familia nun pobo asolagado. Toques sobrenaturais para unha lectura adictiva.
• Presentes, de Paco Cerdá, o relato da recorrido do féretro de José Antonio Primo de Rivera a través da España de 1939.
• O corpo de Cristo, de Bea Lema, Premio Nacional do Comic 2024.
• As alumnas, Paula Carballeira, Premio Nacional de Literatura, inspirada na mestra María Barbeito.
   

Os nosos mellores desexos para o 2025!

Chegaron as novidades do Nadal

 Como cada ano os Reis chegan por adiantado á biblioteca e deixaron un bo surtido de novidades, novela, ensaio, banda deseñada...

Día das Bibliotecas: Por un futuro sostible

 

 

 

 O lema deste ano, escollido por A Dirección Xeral do Libro, do Cómic e da Lectura,"Por un futuro sostible", pretende destacar o papel fundamental que desempeñamos todas as bibliotecas na consecución dos Obxectivos de Desenvolvemento Sostible da Axenda 2030.

    A través das nosas coleccións, servizos e actividades con usuarios, as bibliotecas contribuímos a construír unha sociedade cada vez mellor informada, máis igualitaria, solidaria e xusta, plenamente consciente da necesidade de levar un modo de vida sostible como compromiso coas xeracións futuras.

    Máis aló dos ODS relacionados coa Cultura e o Coñecemento aos que claramente contribuímos as bibliotecas, tamén fomentamos a educación de calidade, a igualdade de xénero, a consolidación de institucións máis democráticas, a difusión de información veraz, a redución da pobreza, o coidado do medio ambiente…

 

    Como institucións democráticas, as bibliotecas somos espazos accesibles abertos á participación da cidadanía, que busca nelas un lugar de encontro, de intercambio de opinións e coñecemento, de posta en marcha de novas ideas e proxectos, sendo especialmente relevantes en zonas rurais e/ou pouco poboadas.

Procuramos a educación en valores para a formación de cidadáns comprometidos, críticos e responsables, que constrúan sociedades máis xustas.

 

    Igualmente, as bibliotecas contribuímos á redución da fenda dixital, proporcionando acceso ás novas tecnoloxías e formación en competencias dixitais para persoas de todas as idades e contextos, en liña coa Estratexia España Dixital 2026 e os obxectivos da Década Dixital de Europa.

 

Como non podía ser de outro xeito deixamos as nosas recomendacións lectoras relacionadas coa Axenda 2030.

 

Feliz Día das Bibliotecas!

 

Recomendacións de medo

 Aquí tes unha selección de lecturas para o Samaín. Xa sabes que temos unha longa ponte para facer magostos e gozar coas historias de medo, pantasmas e bruxas.

Chega o Samain!

 Estades preparados para o Samaín?🎃🎃

Na biblioteca xa fixemos os deberes e preparamos unha selección de libros que farán que durmas ca luz prendida.

Non esquezas pasar pola biblioteca do centro e levarte un (ou varios) para a túa casa!

Descubre a Hang Kan, a escritora gañadora do Premio Nobel de Literatura, na biblioteca

 

Sabedes que na Biblioteca da Laboral descubrimos moito antes ca Academia Sueca a Han Kang?

Se queredes ler a súa obra máis famosa, A vexetariana, está dispoñible na biblioteca desde o 2017!!

 

Podes viaxar a Corea da man de moitas outras obras que atoparás na biblioteca.

 

 

Novas recomendacións lectoras

 Seguimos recibindo novidades. Vinde a botar un ollo!

Día do Libro: As nosas deliciosas suxestións

Feliz Día do  Libro! Toca celebralo cunha chea de suxestións...

Todas elas participarán no sorteo dos nosos deliciosos lotes. O sorteo será na biblioteca, o xoves no recreo.

Día do Libro 2024

Novidades e recomendacións

 Chegaron novos fondos á biblioteca. Temos un pouco de todo e para todos os gustos, desde novelas de misterio, banda deseñada e novos Manga, humor, crítica social, feminismo e igualdade...

Para ler sen pausa,

Para ler en galego,

Para renovar os nosos andeis de igualdade e LGTB+,

A nosa selección,

 

Podes consultar o noso blog, Lecturas na laboral, para ler unha breve recensión de cada obra.

Esperámosvos na Biblioteca.

Axenda 2030: Prepárate para reciclar

 A biblioteca  quere ser o fío condutor do traballo no centro en prol da Axenda 2030.

Entre as accións programadas anunciamos a visita do Punto Limpo Móbil no mes de novembro.

Continuamos así, un ano máis, a colaboración nas accións de sensibilización ambiental do Consorcio As Mariñas a través da presenza no centro do servizo de proximidade do Punto Limpo Móbil. Durante unha semana, a comunidade educativa poderá depositar no mesmo os residuos para os que está destinado, conseguindo deste xeito:

-Facilitar un punto de entrega dese tipo de residuos.

-Promover a recollida separada das fraccións de residuos, especialmente os de maior potencial contaminante e que se xeran en menor cantidade.

-Combater o depósito incorrecto destes residuos no lixo común ou directamente no chan á beira dos colectores.

-Contribuír á sensibilización en materia de residuos, promovendo o concepto de economía circular.

-Favorecer a recollida, clasificación e preparación dos residuos especiais do fogar, para a súa reutilización.

-Completar o servizo que se ofrece desde o Consorcio As Mariñas coa recollida de voluminosos, Minipunto Limpo Fixo e Punto Limpo fixo.

O correcto depósito de residuos supón un tratamento seguro para os mesmos na procura de espazos limpos e saudables. Isto implica a necesidade de sensibilizar na separación en orixe e no adecuado uso dos colectores instalados en vía pública para cada fracción (orgánico, inorgánico, papel, vidro, aceite, téxtil) así como do depósito do resto de tipoloxías de residuos urbanos en Punto Limpo.

Non queremos desaproveitar a ocasión para propoñer algunha lectura relacionada coa Axenda 2030 e os distintos ODS.

O noso Lerflix ten unha programación especial polo Día das Letras

 Lerflix tínguese de galego polo 17 de maio.

 

Todos os títulos están dispoñibles na biblioteca. Aproveitade!

Feliz Día das Letras Galegas! Celebrao lendo!