A sesión máis especial do Club de Lectura

 Hoxe tivemos o privilexio de que nos acompañara Paula Carballeira para comentar con ela a súa obra, As alumnas.

Foi unha ocasión única para compartir a experiencia lectora e mesmo a experiencia docente.

Fixemos un pequeno dossier para a súa presentación.

 

 

Pero realmente a sesión non precisaba de guión previo, xa que Paula coa súa forza expresiva conseguiu captar a atención de todos os asistentes.

 

 

 

A conversa levounos a falar de educación, igualdade e memoria. 

Pouco a pouco a narración oral acaparou o interese xeral, ata rematar a sesión cun conto de mortos... ou non tanto, pero que recolle con humor moitos dos ingredientes que fan que as historias pasen de boca en boca.

 

As fotos recollen claramente que a sesión foi unha festa da palabra.
 

Grazas pola visita, Paula! 

 

 

Entregamos os premios as gañadoras do concurso Mulleres Raíz

 Entregamos os premios as mellores historias e fotografías do noso concurso Mulleres Raíz.

Herminia Mirás Mantiñán. A miña bisavoa, Herminia Mirás, no ano 1963 convertiuse nunha das primeiras mulleres en xogar ao fútbol en Galicia. Foto no campo de fútbol de Crendes (Abegondo) do año 1963. Na primeira fotografía Herminia é a segunda na fila de abaixo empezando pola esquerda. No ano 2020 as mulleres xúntanse de novo para rememorar o seu fito . Herminia é a terceira da esquerda Finalmente, no ano 2025, outorgaselles un recoñecemento ao mérito deportivo.

A súa bisneta, Sabela Caamaño Reborido, recibe un dos premios.

Outra das premiadas, Nadia Escourido, fixo unha preciosa homenaxe a súa avoa.

Se a miña vida fose un libro... que libro sería?. Edición Día do Libro 2026

 

Na biblioteca seleccionamos un lote de títulos para axudarte a contestar a nosa pregunta: Se a túa vida fose un libro, cal escollerías?

Anímate a pasar pola biblioteca e saca a túa fotografía. Haberá premios e un sorteo entre todos os participantes con vales para a cafetería.

Deixamos unha mostra das primeiras participacións.

Paula Carballeira visita o Club de Lectura

 

Este martes temos sesión do Club máis esperada do ano, a visita de Paula Carballeira. Quedades convidados, Vinde!

Día do Comic e do Tebeo

 

 

Pódcast con motivo do 17 de marzo, Día do Cómic e o Tebeo, gravado no CIFP Universidade Laboral (Culleredo).
María, docente e coordinadora do Club de Lectura do instituto, presenta o programa; Nati, alumna e integrante do Club de Lectura, asume a entrevista; e Hugo, alumno e usuario da biblioteca, comparte as súas paixóns como lector ávido de cómics e tebeos.
O episodio combina relatos persoais, reflexións e suxestións sobre obras favoritas.

Probando, aprendendo, experimentando

 Hoxe da man de Isabel Risco aprendemos a perder a vergoña e a soltarnos en público.

Empezamos co quencemento vocal e físico.

Aprendemos a facer paisaxes sonoros e rematamos co noso telexornal particular.

Grazas, Isabel!

Obradoiro de expresión oral na RULA

 

Este ano decidimos contactar con  Isabel Risco, cunha longa traxectoria como atriz en televisión, teatro e radio (podedes picar no enlace para máis info). A súa proposta é ofrecer un obradoiro de expresión oral, para traballar a voz, a dicción e utilizar outros recursos sonoros para transmitir con éxito a nosa mensaxe. Utilizaremos a radio como ferramenta de traballo.

O obradoiro está previsto para o xoves día 9 de abril, de 15:30 a 19:30. 

Día das Artes Galegas: Unha proposta participativa

Con motivo da celebración do Día das Artes Galegas, que este ano rende homenaxe a José Suárez, queremos propoñervos unha pequena iniciativa desde a biblioteca do centro. 

 José Suárez foi un destacado fotógrafo galego do século XX, recoñecido pola súa capacidade para captar a esencia da vida cotiá, especialmente en contornas mariñeiras, cunha mirada moi humana e artística. Para conmemorar esta data, fixemos unha selección das súas fotografías máis icónicas, moitas delas inspiradas no mundo do mar. 

A proposta que vos lanzamos é tratar de recrear estas imaxes, podendo adaptalas ou actualizalas ao contexto actual. Moitas fotos son grupais, polo que cremos que pode ser unha actividade interesante para traballar colectivamente a expresión artística, a observación e a conexión co patrimonio cultural galego desde unha perspectiva práctica e participativa. As fotos máis logradas recibirán un agasallo relacionado coas Artes e o Patrimonio Galego a escoller polos gañadores.

A nostalxia invade o noso club de lectura: Os ingratos

 A lectura de "Los Ingratos", de Pedro Simón, fixo rememorar aos membros de máis idade do club tempos pasados, costumes perdidas, sabores e olores da infancia.

O alumnado participante gozou da lectura e das "batallitas" do profesorado. Todos coincidimos en que ás veces non somos todo o agradecidos que debéramos con aqueles que tanto se sacrificaron, ou como o tempo fai esquecer relacións de amizade que deixamos morrer por estes tempos apresurados. O contraste entre o mundo rural dos anos setenta o a vida urbanita actual é clamoroso.

Deixamos por aquí os materiais para a sesión. 

 

Tamén buscamos que a sobremesa que acompañase esta lectura fora un doce tradicional, dos que as avóas preparaban con mimo, unhas boas "torrijas".

 

Día do Comic presidido polo noso particular Batman

 O noso Batman particular custodia a entrada da biblioteca. Só poden entrar os que gozan cun bo comic.

8M na Biblioteca

 Mans a obra para conmemorar o 8M!

O alumnado do Ciclo Superior de Prevención de Riscos Profesionais confeccionou as súas propias chapas, deseñadas por eles mesmos para participar no concurso organizado pola empresa Resonac con motivo da Resonac Women's Week. Os gañadores foron María e Brais, que foron agasallados cun suadoiro co seu deseño e uns libros para  engrosar os andeis de fondos de igualdade da nosa biblioteca.

 

Pero para nós, todas merecían un premio e ser lucidas nas nosas solapas.

Tamén enchemos a biblio co logo da actividade organizada este ano, Mulleres Raices, a nosa homenaxe ás que viñeron abrindo camiño. 

Completamos a mañá recoñecendo o papel de moitas mulleres referentes en distintos ámbitos.

 

 

 Por suposto, Rosalía luce tamén fachendosa a chapa conmemorativa. Faltaría máis!