Seguimos dando forma aos nosos espazos Maker e Radio na Biblio

 Pasiño a pasiño van tomando forma e lucindo máis os nosos novos espazos na biblio.

Mirade que portas máis vistosas quedaron:

 

 

A voltas de novo cos andeis

 Será esta a definitiva colocación? Volvemos a colocalo todo para adaptar o espazo á nova distribución.

O andamio leva tanto tempo entre nós que xa nos provoca colocarlle algúns libros :)

Alumnado colaborador: materiais auxiliares para os nosos andeis

 De novo temos que agradecer ao noso alumnado a súa colaboración por deseñar e elaborar elementos de retención dos libros nos andeis.

Están moi chulos!

Libros sen volta: novo expurgo

 Coa nova remodelación da biblioteca descartamos moitas das enciclopedias e outras obras que estaban no antigo almacén. Son exemplares que non teñen sentido xa na nosa biblioteca, e con certa pena hai que recoñecer que case en ningunha. 

Por  iso decidimos darlles unha derradeira oportunidade e ofrecer estes exemplares a comunidade educativa, para levar sen volta.

Novo cambio de andeis na biblioteca...e van...

 Outra vez toca mudar os andeis da biblioteca, coa esperanza de que sexa a definitiva. Seguimos en situación provisional, tratando de acomodarnos ao novo espazo asignado. Desta volta, ampliamos moitos metros, que queremos encher de actividades e recursos.

Moito traballo que esperamos logre que a comunidade educativa teña novos recursos ao seu alcance. Na nosa mente temos ideado un espazo de radio, un espazo maker, un espazo de traballo colaborativo... Esperemos que sexan pronto unha realidade.

Prototipos listos para molar na nosa biblioteca

 Quen pode presumir de ter materiais de deseño tan espectacular?

Grazas ao alumnado e o profesorado que o acompaña nestas tarefas. Nós estamos que morremos de amor!

Novos soportes feitos polo alumnado colaborador

 Estamos namoradas dos novos soportes elaborados polo alumnado grazas a implicación das súas profesoras dos módulos técnicos de procesos de montaxe.

Un toque industrial para os nosos soportes, que lles da unha personalidade única. Grazas!

Ampliamos o noso horario durante o terceiro trimestre

 Grazas á colaboración do profesorado do centro podemos ampliar o noso horario e reforzar o equipo de gardas na biblioteca. Esperamos que sexa útil á comunidade educativa.

Novo mobiliario na biblioteca

 Renovamos o espazo da biblioteca cunha nova zona para o traballo ou o lecer. Esperamos que che resulte cómodo e práctico.

Un espazo para vos!

 Parece que pouco a pouco imos voltando á normalidade, ao estudo, ás lecturas e a gozar do espazo compartido.

Reorganizando os espazos

 Estamos a repensar o espazo dispoñible, deseñando novos recunchos para o lecer, para compartir, para estar doutro xeito na biblioteca.

Como vos gusta máis?

Melloramos a sinalización de idiomas nos fondos

Para facilitar a localización de fondos escritos en lingua orixinal, decidimos identificar os textos que posuímos en lingua francesa, inglesa e portuguesa. Optamos por situar unha bandeira do idioma de orixe do texto.

Esperamos que sexa de utilidade para os nosos usuarios!