Como pensar críticamente no século XXI

 Seguimos coa nosa función de tratar de formar aos nosos usuarios para que sexan críticos e aprendan a distinguir entre as fontes de información fiables e as que se limitan a expandir bulos e pseudociencia.

Convidamos á biblioteca a Manuel F. Herrador, profesor da UDC, que nos impartiu unha interesantísima charla para aprender a distinguir bulos e fake news entre o maremagnum de información ao que estamos expostos nas redes sociais.

Pseudociencias, como os remedios homeopáticos, resultaron cuestionados e rebatidos con evidencias ciéntificas.

Situamos no lado correcto as fontes de información fiables e as fake.

Tamén falamos dos sesgos e da nosa tendencia a ler o que coincide coas nosas crencias.

Unha charla imprescindible nos tempos que vivimos.

Co noso Club viaxamos a Marte e máis alá...

 A lectura de hoxe levounos a emprender unha aventura extraplanetaria. O noso vehículo para a viaxe foi a novela Marte, de Andy Weir, unha obra que mixtura a ciencia-ficción co humor e tamén co thriller.

 

A sesión deu para experimentar sobre o tamaño e a distancia da Terra, Marte e a Lúa...

Falar de moitos libros que teñen a marcianos, extraterrestres e replicantes coma protagonistas...

E por suposto, probar un extraordinario pastel de pataca... Xa lle gustaría a Mark Watney ter estes praceres gastronómicos en Marte.

A próxima sesión promete máis sorpresas e o pracer de contar coa autora da obra. Se queres saber de quen se trata, únete ao noso Club.

Lemos ciencia no Club

 Temos un novo grupo lector, esta vez entre o alumnado de FP Básica de Electricidade, grazas á colaboración da súa profesora do ámbito científico que os animou á lectura e está a acompañalos no proceso lector. 

Parte do grupo acercouse no recreo para compartir coa coordinadora dos Clubs as súas impresións sobre a lectura, "La puerta de los tres cerrojos", de Sonia Fernández-Vidal.

Moitos enigmas pendentes de solucionar!

Falamos da Muller e a Nena na Ciencia coa investigadora Kelly Conde

Hoxe visitounos para conmemorar o Día da nena, a muller e a Ciencia a científica Kelly Conde, que participa coa Asociación Española de Investigación contra o cáncro (ASEICA), na iniciativa Conócelas.

Falounos do importante papel que desenvolve a muller no mundo da investigación científica. 

Asistiron á charla os alumnos e alumnas do CS de Animación Sociodeportiva.

Día da muller e da nena na ciencia

Hoxe, 11 de febreiro, é o día da muller e a nena na ciencia. Non hai mellor momento para recordar a moitas pioneiras, que sufriron a discriminación e aínda a apropiación dos seus logros polos seus colegas varóns.

Na biblioteca estas mulleres teñen o seu propio espazo nos nosos andeis

María Solar trouxo "Os nenos da varíola" á Laboral

Hoxe tivemos ocasión de compartir, grazas á Editorial Galaxia, unha charla con María Solar na que combinamos literatura e ciencia. María acudiu acompañada de Luisa Martínez Lorenzo (Responsable da Unidade de Cultura Científica do CSIC en Galicia) e de Marta López Cabo (do Departamento de Microbioloxía e Tecnoloxía de Produtos Marinos).

 "Os nenos da varíola" é unha obra tan trasversal que permite falar de vacinas, historia, o papel das mulleres... Tamén provoca debates éticos sobre a utilización dos nenos nesta xesta ou a posible utilización de armas biolóxicas nunha futura guerra. Coma se fósemos un comité votamos asambleariamente se pagaría a pena destruir os virus que permanecen almacenados nalgún lugar de EEUU e Rusia. Mete medo pensar en mans de quen andan custodiados materiais tan sensibles!

O luns seguiremos comentando esta obra na sesión do Club de Lectura

Quantic Love, outro xeito de falar de física

Os alumnos que cursan Educación Secundaria de Adultos andan a ler "Quantic Love" de Sonia Fernández-Vidal, grazas a proposta do seu profesor e coa colaboración da biblioteca. Unha boa combinación: literatura e física; ciencia e amor

Se picades na portada do libro podedes ler todos os seus comentarios

Dalí e ciencia: visita a exposición

A exposición que nos acompaña este trimestre destaca a relación da obra de Dalí con outras moitas disciplinas: música, matemáticas, física...

Os alumnos de 1º de Bacharelato C visitaron a exposición e resolveron o cuestionario que acompaña á exposición

Visibilizando á muller e as súas contribucións científicas

Queremos enlazar o día da Muller e a nena na ciencia (celebrado o pasado día 11) co Día da Muller Traballadora (8 de marzo) dando visibilidade aos descubrimentos e avances científicos logrados por moitas mulleres. O seu traballo foi silenciado pola indiferencia e o desprecio da comunidade ciéntifica masculina, que incluso, ás veces, se apropiou dos seus logros. Toca un exercicio de memoria e reivindicación da súa contribución ao progreso da humanidade.

Para poder coñecer mellor as súas vidas e os seus descubrimentos, dispoñemos de novos fondos na biblioteca. Esperamos que tamén resulten de moita utilidade ao Club de Ciencia do centro que inicia os seus primeiros pasos.

11 de febrero, Día internacional da muller e a nena na ciencia

Na actualidade, as mulleres e as nenas atopan barreiras de moitos tipos, ás veces moi sutís, que dificultan a súa presenza na ciencia. Esta desigualdade é patente na elección dos estudos por parte das nenas e vaise agudizando ao avanzar nas carreiras científicas e tecnolóxicas. Co obxectivo de lograr o acceso e a participación plena e equitativa na ciencia para as mulleres e as nenas, a igualdade de xénero e o empoderamiento das mulleres e as nenas, o 15 de decembro de 2015 a Asemblea Xeral das Nacións Unidas proclamou o 11 de febreiro de cada ano como o Día Internacional da Muller e a Nena na Ciencia.

Na biblioteca poderás atopar algúns fondos e materiais relacionados con este tema.

Por se fose do teu interese durante a fin de semana celébranse na ciudade moitos actos e conferencias gratuitos.

Podes consultar o programa na páxina web da divulgadora científica Deborah García Bello

 http://dimetilsulfuro.es/2017/02/08/11-de-febrero-dia-internacional-de-la-mujer-y-la-nina-en-la-ciencia/#more-2253

Se queres informarte mais sobre este tema, sigue este enlace ou pica na imaxe

 https://11defebrero.org/category/pioneras/