Letras Galegas

 Con case un mes de retraso publicamos por aquí a homenaxe as Cantareiras que se fixo no centro, grazas ao equipo de Dinamización da Lingua Galega, que botaron man dos recursos do noso Espazo Maker para facer unhas fachendosas pandeiretas.

Talentos inclusivos

 Recibimos a visita de varios usuarios de ASPACE e dúas das súas coidadoras a través do programa Talentos Inclusivos no que estamos a participar. Estiveron contándolle aos nosos alumnos de 1º de CB Electricidade e electrónica como era o seu día a día e a importancia para eles dos retos que están a traballar. O noso alumnado tivo a oportunidade de preguntarlles dúbidas e tamén aproveitamos para gravar un Podcast para a nosa Radio na Biblio.

 

 

Seguimos dando forma aos nosos espazos Maker e Radio na Biblio

 Pasiño a pasiño van tomando forma e lucindo máis os nosos novos espazos na biblio.

Mirade que portas máis vistosas quedaron:

 

 

Ángela Ruiz Robles, unha pioneira.

 Compartimos este vídeo ilustrativo sobre esta mestra, un exemplo de innovación pedagóxica a quen pretendemos adicar o noso espazo Maker.

Inauguración oficial do Espazo Maker "Ángela Ruiz Robles"

 O venres día 20 fixemos o acto de inauguracion oficial do Espazo Maker, un lugar aberto a comunidade educativa concebido para promover a creatividade tecnolóxica, o diseño e o prototipado. Gafas 360º, impresoras 3D e outros materiais estarán dispoñibles para desenvolver todo tipo de proxectos. Infórmate! Pronto haberá microcursos de formación.

A aula estará adicada á mestra Ángela Ruiz Robles, que deseñou unha enciclopedia mecánica, que pode considerarse o primeiro libro electrónico da historia. 

Espacio Maker en acción

 Canto máis desorden haxa no noso espazo fedelleiro, máis nos gusta! 

Días antes do Innova así lucía a toda máquina.

O novo Espazo Maker en Talentos Inclusivos

 Non poidemos inaugurar de mellor xeito o noso novo Espazo Maker que acollendo aos usuarios de Aspace, destinatarios do traballo que se está desenvolvendo dentro do programa Talentos Inclusivos.

 O reto consiste en deseñar uns pulsadores que poidan ser útiles no día a día de persoas con parálise cerebral. O alumnado de FPBásica de Electricidade e Electrónica son os encargados de realizar a tarefa.

O mellor xeito de coñecer as necesidades dos usuarios é escoitar de primeira man as súas dificultades. 

Primeiro os participantes na actividade compartiron experiencias no espazo Maker.

 

A continuación pasamos a escoitar algúns dos retos diarios aos que se teñen que enfrentar as persoas con esta secuela cerebral. Entre o auditorio estaban tamén os alumnos e alumnas do Ciclo de Ensinanza e Animación Socio-Deportivas que teñen un módulo de Actividades Fisiodeportivas para a Inclusión Social, que xa traballan semanalmente con outros usuarios con discapacidade, da entidade Aspadisol.

 Grazas pola visita. Aprendemos moitas cousas de valor!