Día da nena e da muller na ciencia

Hoxe celebramos o Día da nena e da muller na ciencia dunha maneira moi especial. Tivemos a visita de Ros López, exvoluntaria da ONG Mundo Cooperante que viaxou por varios países axudando a mulleres e nenas en situación de exclusión social. 

Esta actividade está enmarcada no Proxecto de Igualdade que se leva a cabo nos cursos de FP básica e trata de concienciar ao alumnado sobre as desigualdades de xénero que todavía se viven na nosa sociedade. Nunhas sesións previas falamos da evolución da situación da muller na sociedade (na familia, no traballo, na ciencia...) e hoxe reflexionamos sobre a situación todavía máis desfavorecida que sofre a muller noutros países. O punto final foron dúas dinámicas que tiveron ao alumnado moi participativo,  viviron nas súas carnes a explotación e a denigración social. As súas conclusións foron emotivas: a muller non vale nada en moitos países, non teñen dereitos, non poden estudar,  moitas nenas están destinadas á prostitución... Deixamos unha pequena mostra da actividade.

O Día da nena e a muller na ciencia tamén o celebramos cunha pequena exposición con parte dos nosos fondos da "Biblioteca de igualdade", en concreto aqueles que fan referencia á muller e a ciencia. Esperemos que poidades "degustar" algún exemplar.

Entrega de premios do I Concurso de Microrrelatos "Axenda 2030" e despedida dos voluntarios e voluntarias

Tocaba hoxe entregar os premios aos gañadores do concurso de microrrelatos organizado polo alumnado voluntario na biblioteca. Así que aproveitamos o día para despedir aos nosos voluntarios e voluntarias.

Non puidemos celebralo coma nos gustaría, pero polo menos mirámonos aos ollos e intercambiamos risas más aló da pantalla.

O acto comenzou cunhas palabras de Andrea:

A continuación repartimos os agasallos entre os premiados:

E unha foto de grupo.

Atrás queda o traballo desenvolto, as ilusións das primeiras reunións por facer tantas cousas... As circunstancias  deste curso tan atípico e singular para todos os que formamos a comunidade educativa da Universidade Laboral marcaron a nosa axenda. Pero tiñamos unha por cumprir: a Axenda 2030. Ninguén merece máis ca eles lucir o logo do noso centro coa Axenda 2030. Un privilexio ter traballado con eles. Demostran co seu exemplo que un mundo mellor é posible.

Desexámoslles sorte nos novos camiños a percorrer!

Axenda 2030: Novo obxectivo? 18 The Universal Fridge

Nestes días nos que toca reformular o noso mundo por causa da situación creada polo Coronavirus, hai quen está a dar voltas aos obxectivos da Axenda 2030.

Os nosos compañeiros, fundadores da ONG Operación Pangono Pangono, seguen acercándonos os problemas da xente ordinaria en moitos paises de África. Aínda nestas semanas complicadas de confinamento todos nós temos a posibilidade de encher as nosas neveiras e conservar os alimentos por moitos días. Este feito está moi lonxe de ser realidade para moitas familias en África.

As interrupcións constantes no suministro eléctrico obrigan a buscar outras solucións alternativas na enerxía solar ou nos microcompresores.

Lograr un modo eficaz de refrixerar os alimentos facilitará a vida a aquelas persoas que tradicionalmente son as encargadas das tarefas domésticas e permitiralles unha maior independencia e desenvolvemento persoal ao non ter que dedicar tantas horas nos procesos artesais de conservación dos alimentos.

Buscan chamar a atención das empresas e da comunidade científica para acadar xuntos unha solución para as máis de 1500 millóns de persoas que non teñen acceso a un refrixerador, deseñando un modelo universal que poida ser empregado en calquera lugar de África.

Máis información desta nova na prensa:

https://www.lavozdegalicia.es/noticia/sociedad/2020/04/05/objetivo-llevar-frio-africa/00031586107517551377528.htm

Unha proposta dos nosos voluntarios e voluntarias na biblioteca: Concurso de Microrrelatos

O alumnado participante no programa de voluntariado da biblioteca seguen a traballar tamén na corentena e propóñennos un concurso de Microrrelatos.

Vai destinado tanto a profesores e persoal non docente coma ao alumnado do centro, en distintas categorías.

 

A temática do concurso estará relacionada coa Axenda 2030. 

Aquí tedes o resto das bases:

Agora que todos vivimos dentro dunha distopía, podemos aproveitar o tempo para participar aínda que queda claro que a realidade parece superar calquera ficción. Moito ánimo!

O voluntariado da biblioteca cos ODS

O alumnado que participa no programa de voluntariado está a desenvolver unha serie de accións para difundir a Axenda 2030 entre a nosa comunidade educativa.

Este é o primeiro dos vídeos elaborados autonomamente pola súa propia iniciativa nos que destacan algúns dos Obxectivos de Desenvolvemento Sustentable.

A biblioteca, un viveiro de cidadáns comprometidos e responsables.

Xornada de formación dos voluntarios da biblioteca

O alumnado voluntario recibiu hoxe unha xornada de formación sobre a Axenda 2030.

Compartimos enquedanzas e ideas para realizar nos próximos meses. O certo é que escoitar a estes alumnos e alumnas danos esperanzas de que un mundo máis sostible é posible.

Aportaron tantas opcións para realizar o seu voluntariado que vai a ser difícil decidir a cal lle damos prioridade.

Coma primeira tarefa teñen por diante a difusión da Axenda 2030 entre os seus compañeiros.

Giving Tuesday: voluntariado na biblioteca

Voltamos coa nosa campaña contra o consumo masivo polo Black Friday e o Cyber Monday. Cada día consideramos máis necesaria a educación nos valores de consumo responsable.

Coma cada ano a nosa oferta de consumo pasa polas novelas negras nas que volan as páxinas pero non os cartos.

Pareceunos que a data de hoxe era especialmente acaída para que os nosos voluntarios da biblioteca asinarán os seus compromisos. No Giving Tuesday pensamos en dar non en mercar!

Ponte no seu lugar: Discapacidade e inclusión

O día 3 de decembro e o día internacional das persoas con discapacidade. Baixo o lema "Ponte no meu lugar" deseñamos unha chea de actividades para celebrar este día na biblioteca.

Inauguramos a actividade "Bibliotecas humanas", onde unha persoa ven relatar a súa experiencia de vida. Hoxe convidamos a Jesús Suárez, discapacitado visual. Jesús contounos como aos vinte anos diagnosticáronlle o seu problema de visión e como tivo que asumir a súa nova situación e reinventarse saíndo da súa zona de confort. A día de hoxe traballa, ten un grupo de rock, practica atletismo e exerce como voluntario. Un exemplo para calquera dos que non temos aparentemente ningunha discapacidade recoñecida, pero temos dificultades para afrontar os pequenos obstáculos cotiás.

Tocaba poñerse no lugar de Jesús. O alumnado que escoitaba a súa charla cursan o Ciclo de Animación Deportiva e precisamente teñen un módulo de atención a discapacitados. Así que houbo pronto voluntarios para poñerse na súa pel.







Os alumnos e alumnas que participaron na charla organizaron a continuación unha actividade no vestíbulo principal para experimentar en primeira persoa a falta de movilidade ou a falta de visión.

Unha xornada para defender a inclusión e unha nova oportunidade para traballar a Axenda 2030 e o obxectivo 10

Operacion Pangono Pangono alumea Malawi e a biblioteca

Moito agradecemos aos compañeiros de Operación Pangono Pangono, Ricardo, Jesús e Fernando que viñeran hoxe a compartir a súa experiencia en Malawi con nós.

Eles están a desenvolver o proxecto #AlumeaMalawi, para garantir o suministro de luz eléctrica en Chezi. Para iso están instalando paneis fotovoltaicos que permiten o funcionamento sen interrupcións das bombas de auga no orfanato.

 Foi unha oportunidade para reflexionar sobre as cousas que verdadeiramente importan, lonxe de compras absurdas e descontroladas promovidas por intereses comerciais de grandes multinacionais. Desde a biblioteca reivindicamos o #GivingTuesday e as pequeñas accións que poden cambiar o mundo. Todo depende de nós e do noso compromiso coma sociedade.