Biblioteca territorio das Artes: Exposición "Dalí e ciencia"

Este trimestre temos a pracer de disfrutar dunha exposición onde se relaciona as obras de Dalí con disciplinas en principio sorprendentes como a ciencia, as matemáticas, a física ou a música. Trátase dunha exposición que acadou varios premios no seu día e que conseguimos grazas a xestión dunha das súas autoras, hoxe no IES María Casares de Oleiros.

Temos un cuestionario moi completo e interesante para traballar os distintos carteis.

Visitando a exposición de Matemáticas e Cine

Os alumnos de Bacharelato visitaron a exposición de matemáticas e cine e trataron de atopar as respostas ao preguntoiro. Descubriron moitas cousas que non sabían!! Entre elas as moitas películas que teñen as matemáticas por protagonista

Exposición: "Matemáticas e Cine"

Poucas veces asociamos o cine e as matemáticas.

Esta exposición permítenos comprender como as matemáticas están na nosa vida cotiá, e como o cine leva esta realidade as grandes pantallas.

Grazas á profesora do departamento de matemáticas do IES Leliadoura de Ribeira, María Jesús Cobas Paz, por cedernos unha exposición tan atractiva!!

Seguro que os nosos alumnos descubren outro xeito de mirar as matemáticas....

Cociñando estatística na biblioteca

O pasado luns, día12, recibimos a Rosa M. Crujeiras Casais da facultade de matemáticas de Santiago de Compostela que impartiu una charla co título "Curso de Cociña Estatística: receitas sinxelas noveis".
Cos datos como ingredientes, aprendimos a cociñar algúns métodos estatísticos que nos permiten entender mellor a contorna que nos rodea. Apoiándose en exemplos de datos reais (do municipio de Culleredo, de Galicia e de paraxes remotas) presentaronse distintas ferramentas para describir datos e facer predicións (aprendimos a predicir o futuro!).  Ao longo da charla, incidiuse na importancia da Estatística e na interpretación dos resultados estatísticos.

Novidades na biblioteca!!!

Xa podes gozar das novas propostas de lectura!!

Podes escoller: Matemáticas, ciencia, banda deseñada, literatura en castelá ou en lingua galega

Pica a dereita nas nosas recomendacións e novidades para saber mais. Tamén podes acceder aquí

Día da Biblioteca

Hoxe celebramos o Día das Bibliotecas. No noso centro cóllenos cheos de preparativos e plans, para facer que o noso IES teña unha #Biblioviva todo o ano. 

Contámosvos un pouquiño.

• A vindeira semana faremos unha actividade de formación de usuarios para os alumnos de 1º de Bacharelato
• Onte chamáronnos da Fundación Barrié para darnos a nova de que fumos seleccionados para acoller a MatExpo, unha exposición itinerante que nos achega ás matemáticas dun xeito ameno e visual, recordando que as matemáticas están en todo o que nos rodea e descubrindo a estreita relación entre esta disciplina e outras como as artes ou a literatura; todo elo, a través dos traballos de mais dun centenar de alumnos galegos. A exposición consta de 6 tótems verticais nos que se amosan:
• 48 Esopías (relatos ou poemas cunha lonxitude máxima de 140 caracteres e onde cada unha das palabras empregadas ten un número de letras igual ás sucesivas cifras do número pi)
• 24 Fotografías Matemáticas (Imaxes gráficas comentadas que resaltan a través de fotografías a presencia constante dos elementos matemáticos ao noso arredor para por de relevo a sua utilidade na nosa vida cotiá)
  
  
  
  
  
   
  
  
  Gracias a educabarrié!!!
  
  
  Podedes atopar mais información en:
  • http://mateblog.educabarrie.org/concurso-de-esopias/
  • http://mateblog.educabarrie.org/concurso-de-fotografia-matematica/
  • http://www.educabarrie.org/gl
  
  
  Mentras, seguimos traballando na construcción da nosa biblioteca virtual.
  
  
  Como vedes, moitos plans en marcha!!!

Biblioteca escolar....matemático!!!

Este é o lema elixido pola Consellería de Cultura, Educación e Ordenación Universitaria  para o cartel da campaña de comezos de curso nas bibliotecas escolares galegas. O ilustrador David Pintor foi o encargado de poñer imaxe ao lema desta campaña e velaquí a súa interpretación: unha biblioteca matemática polos catro costados, chea de vida e ben ilustrativa do que este espazo educativo pode ofrecer ao noso alumnado. Pronto descubriredes que as matemáticas están mais presentes na nosa vida do que pensabades!!