Letras Galegas

 Con case un mes de retraso publicamos por aquí a homenaxe as Cantareiras que se fixo no centro, grazas ao equipo de Dinamización da Lingua Galega, que botaron man dos recursos do noso Espazo Maker para facer unhas fachendosas pandeiretas.

O noso Lerflix ten unha programación especial polo Día das Letras

 Lerflix tínguese de galego polo 17 de maio.

 

Todos os títulos están dispoñibles na biblioteca. Aproveitade!

Feliz Día das Letras Galegas! Celebrao lendo!

Día das Letras na Laboral e recordo a Domingo Villar

 Cada día é o día das nosas letras. Na biblioteca tes moitas propostas para ler en galego.

Esta semana resultou tinguida de tristura polo falecemento de Domingo Vilar, que nos fixo viaxar con Leo Caldas polo seu Vigo natal. Moito ten feito polo idioma, por lograr que miles de persoas leran en galego sen pestanexar e sen respiro, esperando a seguinte páxina. Grazas por todo! A nosa mellor homenaxe será recomendar sempre as súas obras. Boa viaxe, Domingo, que o mar che sea leve.

Exposición Letras Galegas

Xa temos na nosa biblioteca a exposición para as Letras Galegas que este ano están adicadas a Xela Arias, tratamos de resaltar as diferentes facetas da escritora, a Xela vencellada á poesía, a Xela xornalista e a Xela como compositora de cancións para o grupo de rock Desertores. 

Xela é unha das voces máis destacadas da poesía galega e aborda na súa obra a afirmación do corpo feminino, a perspectiva de xénero e a busca de novos espazos para a poesía. Con esta exposición sumámonos á súa homenaxe.

Entrega de premios aos gañadores do Concurso Galifoto

Aquí tedes aos gañadores do concurso de fotografía promovido polo Equipo de Dinamización de Lingua Galega. Recibiron o seu diploma de mans de membros do EDLG, do departamento de Lingua Galega e do equipo da biblioteca.

En maio, en galego

Na biblioteca celebramos o mes das Nosas Letras cunha selección de textos en lingua galega. Podes escoller tanto autores e autoras galegos como moitas obras da literatura universal traducidas á nosa lingua.

Hai para todos os gustos: banda deseñada, novela, ciencia, poesía... Non perdas a ocasión de gozar dunha boa lectura. En galego, claro.

As Nosas Letras

O alumnado de FP Básica preparou unha gran exposición, seleccionando na biblioteca unha obra de cada autor homenaxeado o día 17 de maio de cada ano. Fixeron tamén unha recensión da biografía e obra de cada autor ou autora (desgraciadamente estas últimas foron só 4 ao longo de todos estes anos).

Impresiona o traballo feito. Grazas por darlle visibilidade a tantos autores e a súa obra.

Acércase o Día das Letras Galegas

Para coñecer un pouco máis da autora homenaxeada este ano compartimos a Constelación literaria coas obras máis relevantes de Mª Victoria Moreno

 



















Tamén compartimos a liña do tempo sobre María Victoria Moreno elaborada polo IES San Paio de Tui


 

Sempre en galego, e con máis razón no mes das nosas Letras

Este mes de maio enchemos a nosa mesa de propostas lectoras en galego. Temos banda deseñada, novela xuvenil, poesía, ciencia... Ti só tes que elexir unha, ou dúas... ou cantas queiras

Antón Riveiro Coello e Carlos Casares: "A ferida do vento" e "Vento ferido"

Hoxe tivemos o pracer de recibir na Laboral grazas ao EDLG do centro a Antón Riveiro Coello.

Antón acercounos á figura de Carlos Casares a través da súa obra "A ferida do vento",  homenaxe a Casares e a vila de Xinzo de Limia.

Trouxo fotografías do seu álbum familiar (a muller de Antón é parente da familia Casares) e contounos anécdotas e conversas con el.

Tamén houbo tempo para recomendacións lectoras e musicais e para falar da vocación de escritor e do proceso de creación literaria.

Unha tarde moi aproveitada!!

Día das Letras Galegas e Carlos Casares

Como sabedes, hoxe celebramos o día das nosas letras, cunha homenaxe a Carlos Casares.

Na nosa escada expositora atoparedes algunha das súas obras

Se queredes coñecer máis sobre a súa biografía e a súa producción literaria e periodística, premede na imaxe