Liñas paralelas: Contos e música

Hoxe visitaron a nosa biblioteca Pepe Sendón e Marcos Teira coa súa proposta cultural de Liñas Paralelas. Nesta actividade mestúranse a narración oral e a música, creando unha especial atmósfera a luz das candeas.

Os relatos de hoxe tiñan como fío conductor o mundo do traballo e as situacións ás que se enfronta ao longo da súa vida un traballador.

Tivemos ocasión de escoitar relatos de moitos autores, entre eles, Rafael Dieste, Donald Barthelme, Heinrich Böll, Víctor Giudice, Primo Levi e Pippa Goldschmidt.

Como gañar o teu posto de traballo nunha empresa que valora a iniciativa e o dinamismo aínda que non sabes a que se adica? Como responder cando se che esixe facer máis daquilo para o que fuches contratado? Que se sente cando non entendes en que consiste o teu traballo e, por extensión, a túa vida? Como reaccionar cando o teu traballo sae mal a pesar das túas mellores intencións? Como é posible que cantos máis anos pasas no teu posto, máis emperoren as condicións do teu traballo?
É posible sentirse só e alienado rodeado de compañeiros no teu moderno e agradable local de traballo?

Todas estas preguntas encontran unha resposta, ás veces tráxica, ás veces cómica ou sarcástica
nestes casos de ficción que ben poderían ser verdade...

Unha pequena mostra





Pensamos que foi un xeito de compartir unha oportunidade cultural para o alumnado de Ciclos Formativos que cursa o módulo de Formación e Orientación Laboral e en especial para o Ciclo de Prevención de Riscos Profesionais, que estudan os riscos psicosociais no posto de traballo.

Asumes o risco? A seguridade no traballo é o primeiro

Este ano no centro quixemos remarcar a importancia da seguridade no traballo, e concretamente a necesidade de empregar correctamente os EPI'S (Equipos de Protección Individual).

Elaboramos uns cuestionarios que se completaron nos propios talleres coa colaboración do profesorado de FOL e dos profesores dos talleres respectivos

Examináronse os EPI's de cada taller

Fixemos unha exposición de EPI's no hall da entrada

O proxecto rematou o venres 28 de abril, data no que se celebra o Día Internacional da Saúde no Traballo, con un MANNEQUIN CHALLENGE na explanada de entrada ao centro con todas as familias profesionais portando os seus equipos de traballo.

Un xeito diferente de apreciar a importancia da seguridade e tamén unha oportunidade de descubrir toda a variedade de tarefas que se desenvolven nos nosos talleres e aulas. Mirade, mirade...

Igualdade e condicións laborais: Debate aberto

Unha vez finalizados os exames, decidimos adicar a mañá de hoxe a debater sobre a situación da muller no ámbito laboral e en xeral, sobre as condicións de traballo, que certamente se endureceron coa crise.  Moitos dos alumnos de 1º de Ciclos Formativos, xunto cos seus profesores de FOL, participaron nunha reflexión utilizando un cuestionario-guión para analizar varias escenas da película "Os Fenómenos", que con anterioridade se lles pediu aos alumnos que visionaran, xa que está ao seu dispor na biblioteca.

Tamén tivemos tempo de analizar os resultados da enquisa de igualdade que fixéramos no noso blog, e debatemos sobre as cuestións mais chamativas

Para rematar, quixemos "pagar" a colaboración dos alumnos de xeito similar ao Sr. Barreiro, o patrón na película, que ofrecía un cacho de empanada aos traballadores que traballaran como uns "fenómenos".

Enquisa sobre igualdade

Queremos coñecer a túa opinión.

Cubre a enquisa sobre igualdade no traballo.

A muller e o traballo: Moito por percorrer no camiño da igualdade

Dentro dos actos para recordar o Día da Muller Traballadora que se conmemora hoxe, 8 de marzo, os grupos de 1º de Ciclos Formativos participarán nun debate o vindeiro xoves, día 17 de marzo, sobre as condicións laborais de homes e mulleres no sector da construción.  Para ambientar o tema facemos a suxestión de que vexades a película "Os fenómenos", que tendes dispoñible na biblioteca.

Como adianto, o tráiler da película:


Tráiler de la película Los fenómenos, de... por elblogdecineespanol

 Todos os grupos, xunto cos profesores de FOL, faremos un repaso da situación laboral nun sector tan castigado pola crise, e en particular, a situación da protagonista, unha muller nun traballo tradicionalmente considerado "cousa de homes".

Recordando o Día da Muller Traballadora

Neste día toca recordar a importancia da muller en todos os ámbitos e tratar de reivindicar a labor de moitas mulleres que quedaron no inxusto esquecemento.

Un exemplo: Cando se lembra á Xeración do 27, veñen á memoria nomes excepcionais do mundo das letras e as artes. Pintores, escritores, poetas, dramaturgos, que legaron á historia do noso país, obras inmortais. Pero foron soamente homes os que demostraron as súas magníficas capacidades artísticas? A resposta é contundente. Non. Xunto a nomes como Machado ou Dalí, Gil Roësset, Zambrano ou Chambourcín, foron figuras destacadas daquela Xeración que ao ser rescatada despois da ditadura, esqueceuse inxustamente das figuras femininas. "As Sinsombrero" rescata do esquecemento a unhas mulleres que conviviron coas grandes figuras da Xeración do 27. Mulleres que non foron simplemente as súas compañeiras, as súas esposas ou as súas amigas. Foron moito máis. Foron artistas que se situaron á mesma altura que eles. E eles admiráronas. Aínda que non sempre lles deron o recoñecemento público que se mereceron.



As mulleres que conforman As Sinsombrero son pintoras como Margarita Manso, Maruja Mallo ou Ángeles Santos; escultoras como Marga Gil Roësset; escritoras da talla da filósofa María Zambrano ou María Teresa León; poetas que crearon fermosos versos, como Rosa Chacel ou Ernestina de Champourcín.

Las sin sombrero

Otros recursos:

Cine en Feminino. (IES San Paio-Tui)

A muller na Guerra Civil (IES San Paio-Tui)

A guerra tivo rostro de muller from tudense

Bocas seladas. (IES Xoán Montes-Lugo)

Curruncho do emprego

Temos un novo centro de interese na nosa biblio: "O Curruncho do Emprego".

Acércate e infórmate sobre novas ofertas de emprego, cursiños, oposicións... Tamén atoparás materiais interesantes para elaborar o teu curriculum ou poñer en marcha a túa empresa.

Hoxe celebramos o día da Muller traballadora

Tal como tiñamos previsto, hoxe tivemos ocasión de escoitar a Rosa de la Campa, profesora da ETS de Náutica e Máquinas da Universidade da Coruña, falando da inserción laboral da muller en ámbitos moi masculinizados, particularmente no sector do mar.

En colaboración co departamento de FOL citamos ao alumnado de Marítimo-Pesqueira, pero tamén a unha representación do de Enerxía e Auga, Instalación e Mantemento, Electricidade, Animación Deportiva e Riscos Laborais. Procuramos que acudiran os grupos onde atopamos rapazas rodeadas de moitos compañeiros varóns (unha situación cotiá no noso centro, onde a presencia feminina é residual).

Tivemos ocasión de reflexionar sobre as estatísticas que reflexan que pese a ser maioritaria a presencia de alumnas nas aulas de Dereito o de Económicas, o dato non se corresponde ca porcentaxe de mulleres que ocupan funcións directivas nas empresas do IBEX35 ou nas Salas dos Tribunais Supremo ou Constitucional. Inclusive en sectores feminizados como ensinanza ou sanitario, non se atopan porcentaxes significativos de mulleres ocupando postos directivos no ensino ou no sector hospitalario.

Para dulcificar un pouco a dureza dos datos, quixemos rematar o acto recuperando a tradición rusa de agasallar con chocolate neste día, para recordar o papel que as mulleres xogaron en momentos dramáticos da historia recente, cando se viron obrigadas a asumir o rol de levantar a economía ante a falta de homes por mor das guerras.

As mulleres relevantes que estes días visitan a biblioteca tamén estiveron con nós na Sala de Reunións, e recordaron ca súa presencia o papel que a muller debe xogar en todos os ámbitos.

Aquí tedes unhas imaxes

Preparando a celebración do Día da Muller Traballadora

Na calendario da biblioteca queremos remarcar a data do 8 de marzo dun xeito especial. Pensamos que hai moito por facer para reivindicar os dereitos da muller, para facelas visibles.

Por eso estamos organizando unha serie de actividades e exposicións.

Estes días os andeis da biblioteca énchense de grandes mulleres, que traballaron en todos os ámbitos.

Se premes na imaxe poderás comprobar as desigualdades aínda vixentes e coñecer os dereitos e prohibicións existentes na data do teu nacemento e comparalos cos doutras décadas

Nun centro como o noso, onde o alumnado de Ciclos Formativos é maioritariamente masculino e preciso reflexionar sobre as dificultades que as mulleres atopan para traballar en entornos tradicionalmente masculinos (a electricidade, o frío industrial, o marítimo-pesqueiro...). Por iso, convidamos a Rosa Mª de la Campa, profesora na Universidade de A Coruña, na ETS de Naútica e Máquinas para que nos fale do traballo da muller no mar. Será o xoves, día 5, as 11:20, na Sala de Reunións.

Coordinamos esta actividade xunto co Departamento de FOL, por ser un contido propio deste módulo nos ciclos formativos, e co Departamento de Filosofía, para o alumnado de Bacharelato.

Tamén temos a nosa escaleira expositora chea de mulleres

Toda a información