Libros que alimentan: Mercado solidario

 Deixamos unha mostra de imaxes do noso mercado solidario. Estamos moi satisfeitas do resultado xa que acadamos unha recaudación de 741,65€ que irán íntegramente destinados ao Banco de Alimentos Rías Altas.

 

Axenda 2030: Prepárate para reciclar

 A biblioteca  quere ser o fío condutor do traballo no centro en prol da Axenda 2030.

Entre as accións programadas anunciamos a visita do Punto Limpo Móbil no mes de novembro.

Continuamos así, un ano máis, a colaboración nas accións de sensibilización ambiental do Consorcio As Mariñas a través da presenza no centro do servizo de proximidade do Punto Limpo Móbil. Durante unha semana, a comunidade educativa poderá depositar no mesmo os residuos para os que está destinado, conseguindo deste xeito:

-Facilitar un punto de entrega dese tipo de residuos.

-Promover a recollida separada das fraccións de residuos, especialmente os de maior potencial contaminante e que se xeran en menor cantidade.

-Combater o depósito incorrecto destes residuos no lixo común ou directamente no chan á beira dos colectores.

-Contribuír á sensibilización en materia de residuos, promovendo o concepto de economía circular.

-Favorecer a recollida, clasificación e preparación dos residuos especiais do fogar, para a súa reutilización.

-Completar o servizo que se ofrece desde o Consorcio As Mariñas coa recollida de voluminosos, Minipunto Limpo Fixo e Punto Limpo fixo.

O correcto depósito de residuos supón un tratamento seguro para os mesmos na procura de espazos limpos e saudables. Isto implica a necesidade de sensibilizar na separación en orixe e no adecuado uso dos colectores instalados en vía pública para cada fracción (orgánico, inorgánico, papel, vidro, aceite, téxtil) así como do depósito do resto de tipoloxías de residuos urbanos en Punto Limpo.

Non queremos desaproveitar a ocasión para propoñer algunha lectura relacionada coa Axenda 2030 e os distintos ODS.

Feira da igualdade

Hoxe imos conmemorar o Día da muller cunha "Feira da igualdade" que terá lugar na entrada do centro en horario de 10:00 a 13:00. Alí haberá diferentes casetas con actividades para participar que foron organizadas polo alumnado de 1º de Prevención de Riscos Laborais. Contamos tamén cunha caseta titulada "Ponte no seu lugar" onde poderemos disfrutar dunha experiencia en 3D grazas ao alumnado do CS de Mantemento Electrónico que se encargou da parte técnica e ao de CS de Animación Sociodeportiva que colaborou con eles. Finalmente, recordamos que tamén terá lugar o Mercado solidario neste mesmo espazo e un "Punto violeta" que poñerá o Concello de Culleredo.

 

 Tamén teremos na entrada do centro un punto de Comercio xusto en colaboración coa ONG Mujer Wanawake coa que xa colaboramos en máis ocasións. Neste punto poñeremos á venda produtos artesáns feitos por mulleres africanas e rematados en España por mulleres en risco de exclusión social e a recadación irá destinada á educación de nenas de África. 

O noso proxecto de Igualdade en FP Now

O Proxecto de Igualdade que levamos a cabo en FP básica no módulo de Comunicación e Sociedade foi seleccionado para participar en FP Now. Este é un estudo a nivel estatal elaborado pola fundación Tomillo e financiado polo Ministerio de Benestar, Consumo e Benestar Social sobre a innovación na FP e o estudo das Competencias básicas na FP básica e Grao medio. A semana pasada o noso centro participou no encontro «FP en Acción: Propuestas para la equidad socioeducativa» e posteriormente publicouse o caderno de boas prácticas docentes no que se recolle o desenvolvemento do noso proxecto de igualdade.

Deixamos o enlace no que se pode consultar o Caderno de boas prácticas.

https://tomillo.org/wp-content/uploads/2021/03/Cuaderno-Buenas-Practicas-Final-1.pdf

Día da Muller

Hoxe, 8 de marzo, celebramos coma todos os anos o Día da muller. Nesta ocasión fixemos un mercadillo solidario a través da ONG Mujer Wanawake que loita pola iguadade de xénero. Puxémosnos a vender artesanía feita por mulleres africanas e rematada por mulleres españolas en risco de exclusión social; a recadación irá destinada á educación de nenas de África. Tivemos moito éxito e grazas á colaboración dos docentes, alumnos e persoal do centro serán varias as becas que consigamos para estas rapazas que sofren a discriminación por xénero no seu país. Esta actividade enmárcase tamén no Proxecto de Igualdade que se está a levar a cabo no módulo de Comunicación e Sociedade co alumnado de FP básica.

Ademais fixemos na nosa biblioteca unha selección de fondos procedentes da estantería de igualdade para os nosos lectores.

Día da nena e da muller na ciencia

Hoxe celebramos o Día da nena e da muller na ciencia dunha maneira moi especial. Tivemos a visita de Ros López, exvoluntaria da ONG Mundo Cooperante que viaxou por varios países axudando a mulleres e nenas en situación de exclusión social. 

Esta actividade está enmarcada no Proxecto de Igualdade que se leva a cabo nos cursos de FP básica e trata de concienciar ao alumnado sobre as desigualdades de xénero que todavía se viven na nosa sociedade. Nunhas sesións previas falamos da evolución da situación da muller na sociedade (na familia, no traballo, na ciencia...) e hoxe reflexionamos sobre a situación todavía máis desfavorecida que sofre a muller noutros países. O punto final foron dúas dinámicas que tiveron ao alumnado moi participativo,  viviron nas súas carnes a explotación e a denigración social. As súas conclusións foron emotivas: a muller non vale nada en moitos países, non teñen dereitos, non poden estudar,  moitas nenas están destinadas á prostitución... Deixamos unha pequena mostra da actividade.

O Día da nena e a muller na ciencia tamén o celebramos cunha pequena exposición con parte dos nosos fondos da "Biblioteca de igualdade", en concreto aqueles que fan referencia á muller e a ciencia. Esperemos que poidades "degustar" algún exemplar.