Libros que alimentan: Mercado solidario

 Deixamos unha mostra de imaxes do noso mercado solidario. Estamos moi satisfeitas do resultado xa que acadamos unha recaudación de 741,65€ que irán íntegramente destinados ao Banco de Alimentos Rías Altas.

 

Todo preparado para o noso mercado solidario

 Xa temos todo listo para o mercado de libros de segunda man. Xa sabedes que o recaudado vai para o Banco de Alimentos Rías Altas.

 

 

Preparando o Día do Libro: Mercado de segunda man

 Decidimos dar unha segunda oportunidade aos libros que todos temos na casa, xa lidos, e organizar un mercado de libros de segunda man o día 23 de abril.

Deste xeito os libros viaxarán cara a outros lectores e nutrirán as súas lecturas. O recaudado coa venda irá destinado ao Banco de Alimentos Rías Altas.

 

 

 

Talentos inclusivos

 Recibimos a visita de varios usuarios de ASPACE e dúas das súas coidadoras a través do programa Talentos Inclusivos no que estamos a participar. Estiveron contándolle aos nosos alumnos de 1º de CB Electricidade e electrónica como era o seu día a día e a importancia para eles dos retos que están a traballar. O noso alumnado tivo a oportunidade de preguntarlles dúbidas e tamén aproveitamos para gravar un Podcast para a nosa Radio na Biblio.

 

 

Nadal para a solidariedade

 Un ano máis activamos a nosa campaña de recollida de alimentos non parecedeiros para o Banco de Alimentos Rías Altas.

Recollida ata o día 20 de decembro.

 

 

 

 

O novo Espazo Maker en Talentos Inclusivos

 Non poidemos inaugurar de mellor xeito o noso novo Espazo Maker que acollendo aos usuarios de Aspace, destinatarios do traballo que se está desenvolvendo dentro do programa Talentos Inclusivos.

 O reto consiste en deseñar uns pulsadores que poidan ser útiles no día a día de persoas con parálise cerebral. O alumnado de FPBásica de Electricidade e Electrónica son os encargados de realizar a tarefa.

O mellor xeito de coñecer as necesidades dos usuarios é escoitar de primeira man as súas dificultades. 

Primeiro os participantes na actividade compartiron experiencias no espazo Maker.

 

A continuación pasamos a escoitar algúns dos retos diarios aos que se teñen que enfrentar as persoas con esta secuela cerebral. Entre o auditorio estaban tamén os alumnos e alumnas do Ciclo de Ensinanza e Animación Socio-Deportivas que teñen un módulo de Actividades Fisiodeportivas para a Inclusión Social, que xa traballan semanalmente con outros usuarios con discapacidade, da entidade Aspadisol.

 Grazas pola visita. Aprendemos moitas cousas de valor!

Nadal Solidario

 

 O equipo da Biblioteca impulsa unha nova campaña solidaria de recollida de alimentos. Poderás traelos directamente ou se o prefires podes mercar un marcapáxinas, pagando por el o que consideres para facer a donativo e o equipo da Biblioteca encargarase de mercar as alimentos cos fondos recaudados). Podes vir no horario de apertura da Biblioteca. Todos os que fagan donativos recibirán un boleto para participar nun sorteo o día 21 de produtos de comercio xusto.

 

Anunciaremos nas nosas redes sociais a cantidade de alimentos que será doada grazas á vosa solidariedade.

Pensamos que é importante trasmitir estes valores solidarios ao alumnado, así que animámosvos a que os acompañades á biblioteca e lles expliquedes esta iniciativa. Cada un pode contribuir segundo as súas posibilidades. Cada euro€ conta!

 

Entrega dos alimentos recollidos no Nadal Solidario

 

Grazas á solidariedade da comunidade educativa poidemos axudar ao Banco de Alimentos Rías Altas na súa encomiable labor de axuda aos máis vulnerables.

Campaña solidaria de recollida de alimentos polo Nadal

 No equipo da biblioteca estivemos dacordo en que non podiamos deixar rematar o 2022 sen facer a recollida de alimentos a favor do Banco de Alimentos Rías Altas. O certo é que o tempo botóusenos encima e que só temos tres días antes do remate das clases, pero cremos que é tempo dabondo para que a nosa comunidade educativa poida facer a súa contribución solidaria.

A recollida será na biblioteca. Podedes traer os alimentos non perecederos que queirades ou ben mercar un dos nosos marcapáxinas solidarios, a cambio do donativo que consideredes. Cos fondos recaudados un membro do equipo da biblioteca encargarase de mercar leite, aceite e conservas.

Pensamos que é importante trasmitir estes valores solidarios ao alumnado, así que animámosvos a que os acompañades á biblioteca e lles expliquedes esta iniciativa. Cada un pode contribuir segundo as súas posibilidades. Cada euro€ conta!

 

Mercadillo solidario cos fondos expurgados

 O expurgo da antiga biblioteca pasa primeiro pola entrada do centro, para dar a moitos libros unha segunda oportunidade. Moitas das obras están envellecidas e deterioradas, outras non teñen sentido entre os fondos da nova biblioteca pero de calquera xeito da moitísima mágoa tirar con todo sen darlle unha nova oportunidade. Hai un lote de curiosidades, todas desfasadas, claro, pero que ao mellor atopan oco nas bibliotecas particulares dos membros da comunidade educativa.

Estamos deixando algúns lotes na entrada do centro para que se collan libremente, aínda que se agradece un donativo (en metálico, en leite, en alimentos).

A idea inicial era expurgar todo pero a verdade é que a tarefa produce sentimentos encontrados e provoca reflexións.

Se polo menos algún dos exemplares pode ter unha segunda vida ou axudar a outros a sobrelevar a súa xa é bastante.

Novas vidas para os libros

No noso mercado solidario quedou demostrado que os libros poden ter novas vidas lectoras, pasando aos andeis doutras casas, da man de novos lectores.

Hoxe procuramos que os libros foran moeda de cambio para conseguir moitos litros de leite para o banco de alimentos. Así que realmente os libros teñen moitas vidas e son alimento de corpo e espíritu.

Dobre obxectivo cumprido!