Mercamos papel, etiquetas e convidamos a alumnos, profesores e demais membros da comunidade educativa a pasar pola biblioteca para escoller unha lectura, unha película, un cómic que poidese gustar a ese alguén especial a quen queriamos agasallar cun detalliño de Nadal. Que mellor que un préstamo da nosa biblioteca primorosamente envolto?
As peticións foron tantas que case non dimos envolto todo a tempo!!
O último día antes das vacacións de Nadal os solicitantes e os agasallados pasaron pola biblioteca a recoller os seus préstamos. Resultou unha festa!!
Non conformes aínda, o equipo da biblioteca fixo os seus agasallos ao persoal de Conserxería e Administración e hasta fixemos de Papa Noel acudindo a facer as entregas polas aulas. Un xeito xenial de rematar o ano!!
