21 de decembro de 2021

Rebobinamos con JuanTallón a lectura de Rewind

 Se todas as sesións do Club de Lectura son das mellores experiencias na vida cotiá da biblioteca, a de onte quedará no noso recordo como un día especial, xa que Juan Tallón conquistounos coa súa espontaneidade, a súa altura intelectual e a súa naturalidade. 

Tivemos ocasión de ir adiante e atrás na súa novela Rewind para reflexionar sobre o azar, a fraxilidade do ser humano e a mesmo tempo a súa fortaleza.






Un privilexio poder ofrecer ao noso alumnado estas oportunidades. Grazas infinitas a Juan Tallón por ser tan xeneroso con nós.


19 de decembro de 2021

Xa temos un propósito para o Aninovo: o noso compromiso solidario

 Que mellor que esperar o Aninovo con novas metas que alcanzar e novos compromisos que levar adiante.

O resultado da enquisa realizada co gallo do GivingTuesday foi o seguinte:


Así que cando o tempo acompañe escolleremos o espazo onde realizaremos a limpeza de plásticos e outros residuos.

Benvido 2022! Moito por facer!

16 de decembro de 2021

As nosas recomendacións de Nadal

 Xa chega o Nadal, as vacacións, o tempo de lecer, o tempo de agasallar con lecturas cheas de humor, medo, aventuras, amor, tenrura.

Aquí a nosa árbore chea de recomendacións. Esperamos que vos enchan de bos momentos.




14 de decembro de 2021

Árbore solidaria

 


Desde a Biblioteca do centro imos facer un "calendario solidario" cuxa recadación irá destinada ao banco de alimentos "Rías altas". A donación poderá efectuarse de dúas maneiras, poderase colaborar con alimentos ou ben con diñeiro.  A idea é que cada día donaremos un tipo de alimento (por exempo, o día 9 café, o día 10 arroz...), ao día seguinte farase pública a cantidade de alimentos recadados en función das donacións.

O sistema será o seguinte:

-para donar alimentos (os que se queira) haberá un depósito ao lado da árbore e poderase facer ao longo do día dentro do horario do centro.

-para donar diñeiro haberá que facelo na biblioteca dentro do seu horario ( de luns a venres de 08:30 a 14:00  e luns de 16:30 - 19:45). Alí haberá unha hucha custodiada polo profesor de garda. Todo o que done cartos recibirá un boleto que se depositará nun recipiente ao lado da árbore e entrará nun sorteo que se fará publicamente o día 20.

Os cartos recadados serán destinados a alimentos que se levarán a "Rías altas" e será o persoal da biblioteca o encargado de mercalos e de poñelos xunto á arbore, toda a recadación farase pública nas redes sociais para asegurar a transparencia da iniciativa.

Agradecemos especialmente ao alumnado do Ciclo Superior de Prevención de Riscos Profesionais pola súa axuda na montaxe.







3 de decembro de 2021

Proxectos empresariais no módulo de EIE comprometidos co 25N

 O compromiso contra a violencia chega ao alumnado do módulo de EIE, que deseñan accións de Responsabilidade Social Corporativa ligadas a loitar contra esta lacra.

As súas propostas están sendo recollidas neste padlet:



Hecho con Padlet

30 de novembro de 2021

GivingTuesday, un compromiso colectivo




 

Despois da avalancha consumista do Black Friday e o Cyber  Monday, desde a biblioteca do centro propoñémos, coma cada ano, celebrar o GivingTuesday, un día para ser solidario, para dar e non para mercar cousas (as máis das veces, inútiles).

Para que sexa realmente un compromiso colectivo decidimos crear unha enquisa para que sexa a comunidade educativa a que escolla a acción a desenvolver. 

Compartimos tamén aquí o formulario.


29 de novembro de 2021

O Club de Lectura do persoal é cousa seria

 O venres pasado o Club de Lectura do persoal docente e non docente reuniuse para falar de O peón, de Paco Cerdá.




Esta proposta lectora gustou moito, e levounos a falar de tantos outros peóns da Historia, personaxes que son utilizados para os intereses do poder e logo abandonados ou esquecidos. Todos coincidimos en que a historia narrada tiña sabor agridoce e tinguida de grises.


Nas fotos apreciase o bo comportamento e implicación do profesorado para cubrir a ficha didáctica proposta pola coordinadora:)



25 de novembro de 2021

Actividades polo 25N

O alumnado do centro tivo ocasión de transitar pola nosa rotonda contra a violencia e de deixar as súas mensaxes contra esta lacra.



 


 

Desde o Concello de Culleredo sumáronse á nosa conmemoración, recorrendo a ruta de sinais e lendo un manifesto de repulsa, xa na biblioteca.


Tamén as alumnas e alumnos do centro leron poemas de varias autoras sobre esta temática.



Mentres, o alumnado de Formación Básica participaba nun Obradoiro de acoso na rúa, impartido pola Fundación Mulleres.


Para rematar Radio Culleredo emitiu a tertulia celebrada na biblioteca na que participaron varios alumnos e alumnas, a orientadora do centro, a coordinadora da biblioteca e representantes da Fundación Mujeres.






Un intenso día, moito feito e moito máis por facer neste camiño da igualdade.


25N, seguimos cada día traballando para que a educación sexa a salida

Grazas ao traballo do noso alumnado  montamos unha instalación no vestíbulo de entrada ao centro, escenificando o camiño desde á violencia ata a educación, a igualdade e a liberdade, simbolizada na biblioteca coma meta final.



Na rotonda as sinais indican os perigos, pero se consiguimos evitalos e continuar o noso camiño, chegaremos á meta desexada, a nosa biblioteca.












22 de novembro de 2021

Espazo libre de violencias

Aproxímase o 25N e queremos que todo o centro manifeste o seu compromiso contra a violencia. A biblioteca, por suposto, traballa cada día pola igualdade e a reivindicación de ser un espazo onde as discriminacións e as violencias non teñen cabida.

Están programadas diversas actividades durante a semana, pero a biblioteca xa loce disposta para acollelas.







Novas recomendacións lectoras

 Temos moitas novidades literarias en camiño, para ofrecervos moita lectura para os vindeiros meses de inverno, cando máis apetece sofá, manta e un bo libro!






17 de novembro de 2021

Un espazo para vos!

 Parece que pouco a pouco imos voltando á normalidade, ao estudo, ás lecturas e a gozar do espazo compartido.







9 de novembro de 2021

Reorganizando os espazos

 Estamos a repensar o espazo dispoñible, deseñando novos recunchos para o lecer, para compartir, para estar doutro xeito na biblioteca.

Como vos gusta máis?