Éxito do mercado de Nadal

 Pasado o ecuador da semana estamos moi satisfeitas da acollida do noso mercado, xa que tanto as rifas como a mercancía tiveron un éxito de ventas e estamos preto de alcanzar os 3000€ de recaudación! Marabilla!

 

 

Lemos unha autora premio Nobel no noso Club

 Quixemos elevar o nivel de esixencia lector abordando a obra de Han Kang, "A vexetariana", unha obra complexa e con moitos matices e que da lugar a diversas interpretacións.

O dossier preparado para a ocasión e sobre todo as galletas facilitaron moito a sesión e o debate. Temas como a discriminación, a comunicación, a violencia, a liberdade individual estiveron no centro da sesión.

 

 

 

 Como sempre a nosa mesa quedou chea doutras propostas de literatura coreana.

Recomendaciones de Nadal

 

Preparando o noso mercado solidario de Nadal

 Todo preparado para inaugurar o luns día 15 o noso Mercado Solidario de Nadal, organizado en colaboración coa sección da EOI de Culleredo. Poderás atopar libros, roupa e todo tipo de agasallos, moitos deles feitos a man ou elaborados no Espazo Maker da biblioteca do centro. Recorda que ten un fin solidario e que todo o recaudado será para o Banco de Alimentos Rías Altas

 Estaremos toda a semana cun amplo horario de apertura! Agardamos a túa solidariedade.

Celebración do Chess Challenge

 Onte tivo lugar o Chess Challenge, con gran éxito de participación e ilustres participantes. 

 

As xogadoras convidadas (Jelena Kolar, WFM Graciela Redondo e Ángela Castiñeira)  defenderon o reto con solvencia, e só Emilio, o noso campión local, foi quen de acadar unhas táboas moi meritorias! 

Os participantes recibiron un agasallo a modo de recordatorio impreso no noso Espazo Maker .

 

Formación en impresión 3D

 Comezaron os cursos de formación para os nosos usuarios no manexo de impresoras 3D, o que permitirá ao profesorado e alumnado acreditado acceder ao espazo para facer as súas propias impresións para os seus proxectos persoais, ata 30 horas de uso.

 

 Están previstas novas sesións de formación. Anótate!

Chess Challenge

 

Mañán xoves no recreo da mañá (11:30) teremos a tres xogadoras de xadrez no hall da Laboral xogando un reto contra os/as intrépidos/as que se atrevan a retalas: unha Mestra FIDE, unha xogadora xuvenil do club de Xadrez Regatas de Perillo e unha xogadora de Serbia (Club Alexandre Bóveda-Mirko).

            Xogarán rápidas con 1 minuto de tempo máis 2 segundos de incremento por xogada contra calquera. Os/as rivais disporedes de 5 minutos + 2 segundos. Haberá obsequios para os participantes! 

             Dende as actividades promovidas pola Biblioteca animámosvos a participar a toda a comunidade educativa. Vémonos alí!

Decembro cheo de actividades

 

Deixamos por aquí o calendario do mes, cheo de formacións e solidariedade.

Formación de usuarios na biblioteca

 Como cada curso, os grupos de 1º comezan a recibir as sesións de formación de usuarios na biblioteca, para coñecer os seus servizos e a organización dos seus fondos.

 

Visita guiada á Fundación Barrié para coñecer a exposición sobre Álvarez de Sotomayor

 Un grupo de profesores do centro tivemos a oportunidade de coñecer en detalle a exposición organizada pola Fundación Barrié sobre a obra pictórica de Fernando Álvarez de Sotomayor.

 

 Un privilexio contar cunha institución tan preto que organice actividades dese nivel cultural, cunha organización impecable, sempre aberta a cidadanía.