Máis novidades e recomendacións

 Seguimos de compras e recomendándovos lecturas.

Destacamos hoxe todas as novidades para ler en galego.

 

Día do inventor: unha homenaxe a Hedy Lamarr

 Hoxe conmemoramos o Día do Inventor, coincidindo coa data de nacemento de Hedy Lamarr, recoñecida durante moito tempo só na súa faceta de actriz, pese aos seus logros no eido da informática. Foi a precursora do GPS e do sistema WIFI. Coma tantas outras mulleres os seus méritos quedaron esquecidos polos prexuízos machistas. Este pode ser un bo momento para reivindicar a súa figura e a de outras pioneiras que sufriron a discriminación e incluso a apropiación das súas ideas por parte dos seus colegas varóns.

Bótalle un ollo a Valerosas, de Pénélope Bagieu, onde atoparás a súa historia e a doutras moitas mulleres que foron sempre a contracorrente.

 

Tamén temos moitos outros fondos que axudan a coñecer o papel das mulleres na ciencia e en xeral en todos os ámbitos da sociedade.

Novidades e recomendacións lectoras

 Están a chegar moitas novidades á nosa biblioteca. Bota un ollo! Hai para todos os gustos.

Consulta periódicamente o noso blog lecturas na laboral; alí atoparás sempre as últimas adquisicións de fondos para a biblioteca.

Tamén podes consultar na web do centro o noso catálogo na rede Meiga. 

 

O teu vello portátil pode ser solidario

A axenda 2030 segue a estar moi presente no noso centro e así na Laboral procuramos rachar coa fenda dixital. Neste tempo de pandemia é especialmente importante que todos e todas teñamos acceso aos medios e recursos dixitais para que a igualdade de oportunidades sexa real.

 

Por iso, se tes algún portátil que funcione e non uses por obsoleto e queres facer unha cesión á Universidade Laboral de Culleredo, o alumnado de 1º CS de mantemento electrónico estará encantado de reacondicionalo para poder prestarllo a aquel alumnado que o precise. Este curso é máis necesario ca nunca.

 

Agradecemos ao Concello de Culleredo a doazón de 15 portátiles usados ao noso centro, para que o alumnado dos ciclos de electrónica os reacondicione. Estes portátiles serán cedidos en préstamo ao alumnado que non teña recursos para comprar un.

 

 

 

Moitas gracias ao Concello por colaborar coa igualdade de oportunidades na Educación!! O ODS 17, alianzas para acadar os Obxectivos da Axenda 2030 é fundamental.

Samaín e xeografía de lendas e contos

 Estas datas son especialmente propicias para recordar as contos tradicionais que sempre escoitamos na nosa familia. Aproveitamos a oportunidade de compartir co noso alumnado de FP Básica as historias de tradición oral dos seus respectivos países de orixe: Colombia, Santo Domingo, Alemaña, Brasil...

Coidado coa Santa Compaña! Non sabemos se cumprirá as normas de confinamento!

O máis aconsellable é que busques un bo amuleto da sorte. Que tal se escolles algo da nosa exposición? Temos lecturas de medo e de terror para esquecer estes días tan escuros que nos tocan vivir en primeira persoa.

Semana da Alfabetización Mediática e Informacional

  Para traballar a proposta da UNESCO e celebrar a semana AMI propuxemos montar un programa de televisión no módulo de Comunicación e Sociedade cos alumnos de 1º e 2º de FPB. Tratouse de facer un programa de entretemento cheo de humor, pero sen deixar de coñecer os principais xéneros periodísticos informativos. Elaboramos noticias, reportaxes, fixemos entrevistas a personaxes inventados e reais e sempre desde un punto de vista irónico e humorístico, co fin de reflexionar sobre o tratamento da información nos medios televisivos e facendo unha parodia sobre a desinformación coa que vivimos nos tempos de hoxe.

Cada grupo puxo en marcha o seu particular programa:

 

 

Día das Bibliotecas: Xeografías lectoras

 Para celebrar o Día das Bibliotecas decidimos rescatar a nosa exposición "Volta ao mundo en 80 libros". Aproveitamos que o lema das bibliotecas escolares de Galicia é este ano "Xeografías lectoras" para recomendar lecturas que nos levan a viaxar polos cinco continentes, agora que as viaxes só poden ser virtuais e coa imaxinación.

Os libros son os instrumentos idóneos para chegar tan lonxe coma as súas páxinas nos permiten; son as ferramentas máis eficaces para coñecer outras ideas, descubrir novos horizontes e interpretar o mundo de xeito crítico e consciente.

Comenza a túa viaxe e nunca deixes de asomarte a novas lecturas, a novos mundos.