O Club de Lectura visita a Librería Moito Conto

Tiñamos moitas ganas de facer unha sesión do Club de Lectura nunha librería tan especial como Moito Conto. Un espazo que acolle a todos aqueles que aman os libros e o pracer da lectura, e onde os libros son presentados e escollidos con esmero.

Xunto con Esther, a libreira, conversamos sobre libros, gustos e recomendacións lectoras.

Alí casualmente atopamos con Suso Lista, autor de "Salseiros" e "Xeixos" que veu saudar e recordou os seus tempos de estudante na Laboral, con mil anécdotas que nos levaron a uns reivindicativos anos oitenta. Por suposto, quedamos en que nos faría unha visita pronto.

A tarde pasou nun volado e nin tempo tivemos de que os membros do Club seleccionasen moitos libros ao seu gusto, como tiñamos pensado.

Haberá que voltar pronto para mercar máis: os que trouxemos sábennos a pouco!!